Charter Document - 03329243
| Charter Number: | 03329243 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 |
| Date type: | Assigned |
| Resource Link(s): |
Reference Document for this Embedded Document Durham Cathedral Archive - Register I (fii20r) |
Charter:
Universis sancte matris ecclesie filiis ad quos presens scriptum pervenerit Walterus de Gosewyk Willelmus Claus Alanus filius Sned Iohannes filius Sned Willelmus filius Radulphi Serlo filius Alberti Rogerus de Witton Henricus de Witton Adam filius Agnetis Willelmus filius Matildis et Nicholaus Cade eternam in domino salutem Cum omnes terre et tenementa que Elyas aurifaber Henricus filius Iohannis et Willelmus de Werkeworth aliquo tempore tenuerunt contigue prope cimiterium ecclesie beate Marie in villa de Halyeland assignate fuerint luminari beate Marie in predicta matrice ecclesia per Iohannem de Aula Walterum de Chatton et Willelmum de Werkeworth nos pro nobis et heredibus nostris ex assensu et voluntate Nicholai de Waleworth tunc prioris de Halyeland et monachorum ibidem deo servientium et similiter omnium parochianorum dicte ecclesie concessimus et ad feodi firmam dimisimus Ricardo de la Bote et Anabille uxori sue omnes terras et tenementa predicta cum suis pertinentiis sine aliquo retinemento habenda et tenenda eidem Ricardo et Anabille et eorum heredibus et suis assignatis de domino episcopo Dunelm et eius successoribus in feodo et hereditate libere quiete bene et in pace imperpetuum reddendo inde annuatim custodibus luminaris beate Marie in ecclesia predicta quinque solidos ad duos anni terminos scilicet unam medietatem ad Pentecost et aliam medietatem ad festum sancti Martini in hieme et post decessum Sibille de Loulyne que fuit uxor Willelmi de Werkeworth tres solidos de incremento annuatim ad duos anni terminos et faciendo domino episcopo Dunelm et eius successoribus servitia debita et consueta pro omni alio servitio consuetudine exactione et demanda Et nos vel heredes nostri vel alius quicumque aliquod ius vel clamium in predictis terris et tenementis exigere vel vendicare possimus in posterum sigilla nostra huic scripto una cum sigillo predicti prioris hoc factum nostrum testificantis apposuimus Hiis testibus dominis Willelmo Rydel Roberto Gray Iohanne de la Leye militibus Petro de Orde Roberto de Hagerston Willelmo de Scremerston seniore Willelmo de Scremerston iuniore Roberto de Bolton Iohanne de Gosewyk Roberto de Clifford Roberto de Chesewyk Alexandro de Chesewyk et multis aliis