Charter Document - 03329218

Willelmus miseratione divina ecclesie sancti Andree minister humilis universis sancte matris ecclesie filiis visuris has litteras vel audituris eternam in domino salutem Noveritis quod cum inter nos et dilectos in Cristo filios [] priorem et conventum Dunelmensis et ecclesiam de Coldingham super can et cunewech et procuracionibus et hospiciis et custodis et institutionibus ecclesiarum ad predictos priorem et conventum Dunelmensis in episcopatu sancti Andree pertinencium et processione et visitacione earundem ecclesiarum contencio verteretur anno domini incarnationis MCC quarto feria tertia proxima post assumpcionem beate Marie in ecclesia sancti Andree in hunc modum amicabiliter conquievit Videlicet quod ecclesia de Coldingham cum capellis ad eam pertinentibus libera sit et quieta et omnino immunis inperpetuum de can et cunewech et procuracionibus et hospiciis et sinodalibus et auxiliis et vicariorum assignacionibus et omnibus aliis exaccionibus tam a nobis quam a successoribus nostris et omnibus officialibus episcopatus sancti Andree salva tamen canonica iusticia et obediencia Et quod omnes alie ecclesie sue parochialis in episcopatu sancti Andree constitute libere sint et quiete in omnino immunes inperpetuum a can et cunewech et procuracionibus et hospiciis tam a nobis quam a successoribus nostris Et quando commune auxilium per totum episcopatum sancti Andree poni contigerit prefati monachi Dunelmensis de predictis ecclesiis suis parochialibus nobis et successoribus nostris respondebunt sicut aliquis abbas vel prior qui liberius tenet in episcopatu sancti Andree faciet de suis Et cum ecclesias in episcopatu sancti Andree ad prefatos monachos Dunelmensis pertinentes que a bone memorie Rogero predecessore nostro sibi et ad Cristi pauperum et hospitum sustentacionem in usus proprios sunt concesse vacare contigerit eas sua propria auctoritate sine aliqua contradiccione et difficultate libere ingrediantur easque in usus proprios pro voluntate sua convertant et in manu sua pacifice possideant ita tamen quod vicarios ydoneos qui in eisdem ecclesiis honestam habebunt sustentacionem nobis et successoribus nostris ad curam animarum eorundem presentabunt a nobis et successoribus nostris sine aliquo difficultate et molestia admittendos qui quidem nobis et successoribus nostris de spiritualibus salvis tamen immunitatibus sibi concessis respondebunt Et si forte idem prior et monachi duxerint pocius sepe dictas ecclesias sibi in usus proprios concessas personis ydoneis conferre quam in usibus propriis retinere nobis et successoribus nostris personas in eisdem instituendas presentabunt Et cum officiales nostros per parochiales ecclesias suas transitum facere contigerit eos semel in anno cum tribus vel quatuor vel quinque equis in hospiciis suscipient exceptis tribus ecclesiis scilicet de Aldecantibus de Lamberton et de Fiswic quas volumus diebus nostris ab officialium nostrorum suscepcione et exhibicione prorsus esse immunes Et post decessum nostrum quo ad officiales episcopatus sancti Andree ita sint sicuti fuerunt ante tempus promocionis nostre Et cum contigerit nos vel successores nostros in episcopatu sancti Andree generalem visitacionem facere visitabimus et eorundem monachorum ecclesias ita tamen quod occasione visitacionum nostrarum a predictis monachis vel ecclesias vel vicariis suis nulla omnino procuracio vel aliquid occasione procuracionis exigeret Prior autem et monachi de Coldingham episcopos sancti Andree semel post eorundem consecracionem et singulas a partibus transmarinis reversiones processioni aliter suscipient sine procuracione nisi eam gratis conferre voluerint Predicti vero prior et monachi Dunelmensis de consensu capituli sui deo et ecclesie sancti Andree et nobis et successoribus nostris capellas de Neuton et de Neithanthirne a matrice ecclesia de Edenham liberas et quietas inperpetuum concesserunt usibus nostris et successorum nostrorum profuturas adeo quod decedentibus personis qui nunc eisdem presunt capellis non licebit nobis vel successoribus nostris ab usibus nostris eas quibuscumque personis conferre Interim vero dum contigerit prefatam capellam de Neuton vacare solvent nobis et successoribus nostris predicti prior et monachi Dunelmensis annuatim in suis terminis per manum prioris de Coldingham quindecim marcas argenti medietatem scilicet ad festum beati Martini et aliam ad festum nativitatis sancti Iohannis Baptiste Et ut hec omnia perpetuam impostorum optineant firmitatem ea presentis scripti testimonio a nostro et ecclesie sancti Andree sigillis de assensu capituli et archidiaconorum eiusdem loci quam sigillo capituli Sancti Cuthbertus de Dunelmensis corroborata futuri Hiis testibus Ricardo Dunkeldensi Iohanne Aberdensi Bricio Muraviensi episcopis Patricio de Dunfermlin Henrico de Aberbrothoc Wydone de Lundors abbatibus Waltero de Insula Hugone de May prioribus magistro Laurentio officiali Hugone capellano domini regis magistro Andrea de Murena magistro Stephano de Lillescl domino Mehero de Quentimilite Iohanne de Wilton Willelmo de Binile magistro Isaac magistro Ricardo Roberto de Heya et multis aliis