Charter Document - 03329213

Walterus miseratione divina Ebor archiepiscopus Angl primas dilectis in Cristo filiis priori et conventui Dunelm salutem gratiam et benedictionem Ex tenore quorundam instrumentorum que inspeximus et longa consuetudine qua hactenus usi estis quedam iura libertates et iurisdictiones in ecclesiis per Hovedenssyr et Alvertonssyr ad vestrum patronatum spectantibus ad vos pertinere perpendimus que sancti patres predecessores nostri deo et beato Cuthberto ac monachis ibidem deo servientibus concesserunt unde nos eorum vestigiis inherere volentes eorum concessiones ob reverentiam predicti gloriosi confessoris quantum in nobis est ratificantes iura iurisdictiones et libertates in quorum possessione vel quasi recordatis temporibus extitistis vobis et successoribus vestris tenore presentium concedimus perpetuis temporibus possidenda Si autem in corrigendis excessibus et morum reformationibus clericorum vel laycorum in predictis ecclesiis ubi vos talem consuetudinem optinetis negligentes extiteritis vel in talibus formam excesseritis observandam ad legitimam monitionem nostram predicta corrigantur infra terminum competentem Alioquin extunc ut animarum cura requierit per nos et successores nostros per censuram ecclesiasticam huiusmodi corrigantur volumus insuper quod si in causis que ad nos per appellationem fuerint devolute aliqui subditorum vestrorum per nos vel officiales nostros suspensionis interdicti vel excommunicationis vinculo fuerint innodato vos vel officiales vestri ad mandatum nostrum latas a nobis sententias in huiusmodi causis studiose ac fideliter exequamini et inviolabiliter faciatis observari sicut canonicam effugere volueritis ultionem constitutiones vero nostras synodales in predictis ecclesiis recitari ac firmiter observari faciatis ita tamen quod per easdem vobis quo ad libertates iura seu iurisdictiones vestras in nullo preiudicium generetur De denariis quidem beati Petri observetur consuetudo hactenus usitata Reservamus autem nobis et successoribus nostris in ecclesiis supradictis a rectoribus et vicariis canonicam obedientiam subiectionem et reverentiam institutionem et destitutionem penitentias et alia sacramenta que ab episcopis sunt recipienda De synodalibus et cathedratitis ac aliis oneribus decetero observetur prout consuetudo optinere consuevit et in scriptis predecessorum nostrorum plenius continetur Auxiliis autem nolumus vos onerari nisi pro necessitate temporis manifesta et rationabili causa cum curialitate fuerint postulata et a nobis sponte concessa Volumus insuper quod in dicta iurisdictione vestra aliquem fidelem et discretum custodem spiritualitatis provida deliberatione constituatis qui intendat in omnibus que ad salutem pertinent animarum et nobis sit obediens cum ad nos a vobis seu ab episcopo fuerit appellatum ut citationes et inhibitiones fideliter exsequatur Fructus autem dictarum ecclesiarum sequestrandi in casibus a iure permissis vel consuetudine approbatis necnon et cetera ad iurisdictionem spectantia exercendi plenam vobis concedimus facultatem Omnes insuper libertates iurisdictiones et iura vobis et ecclesie vestre per predecessores nostros concessa sub nostra protectione recipimus ea omnia ut eorum scripta testantur auctoritate metropolitana specialiter confirmantes In cuius rei testimonium presens scriptum sigilli nostri munimine roboravimus Dat apud Wylton xviii kalend Decembris anno domini MCCLXX tertio