Charter Document - 03329182
| Charter Number: | 03329182 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Submission |
| Date: | 1261 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Omnibus presentes litteras visuris vel audituris magister R de Sancta Agatha archidiaconus Dunelm rector ecclesie de Esington salutem in domino Cum super ecclesia de Esington predicta quam ex collatione felicis recordationis Walteri quondam episcopi optineo et possideo inter me et dominum Walterum de Herton illam sibi petentem adiudicari ratione presentationis sibi a bone memorie Nicholai quondam Dunelm episcopo facte postquam idem Nicholaus dicto episcopatu cesserat coram diversis iudicibus materia questionis exorta fuisset tandem materiam litium volens amputare super omnibus ipsius ecclesie fructibus et bonis ordinationem venerabilis in Cristo patris domini R dei gratia Dunelm episcopi pro bono pacis et concordie pure simpliciter et absolute me pro me et successoribus meis submisi et submitto salvis in omnibus michi mea institutione facta de eadem ecclesia cura animarum totius parochie et unione eiusdem ecclesie facta cum archidiaconatu michi et successoribus meis ratum et firmum habiturus quicquid idem dictus episcopus de dictis fructibus et bonis fecerit ordinando statuendo quacumque portionem de predictis cuicumque voluerit assignando dum tamen sectionem alienationem iacturum seu [archidiaconatus] Dunelm vel ipsius ecclesie de Esington lesionem perpetuam ipsius domini ordinatio non contineat Et ad dictam ordinationem iuvandam roborandam et pacificandam volo et expresse consentio quod ad plenariam observationem statuti ordinationis et assignationis eiusdem liceat eidem domino non solum fructus ipsius ecclesie sed archidiaconatus sive dignitatis eiusdem pro me et successoribus meis predicto domino Waltero secundum et iustitiam obligare prout melius viderit expedire renuntio etiam pro me et successoribus meis omnibus et singulis omnibus impetrandis per que ipsius domini episcopi ordinatio infringi valeat in hac parte vel impediri et ad ipsius episcopi ordinationem statutum et assignationem in omnibus et per omnia fideliter firmiter sine dolo et fraude observandum tactis sacrosanctis corporale prestiti sacramentum In cuius rei testimonium presentibus litteris sigillum meum apposui Dat apud Durham pridie idus Iulii anno domini millesimo CC sexagesimo primo