Charter Document - 03329111

In nomine patris et filii et spiritus sancti amen Ego Martinus de Sancta Cruce condo testamentum meum in hunc modum In primis commendo deo et beate Marie et omnibus sanctis animam meam corpus meum humandum in cimiterio fratrum minorum proximorum ubi contigerit me mori nisi moriar ad aliquam ecclesiarum mearum vel apud Ebor vel Schyreburn et tunc eligo ibi sepulturam Si sepultus fuero in cimiterio fratrum minorum lego ibidem centum solidos si apud Ebor capam meam de rubeo samito cum vestimento bruddato integro et casula de samito rubeo qualitercunque contingat de me si apud Schyreburn capam meam de panno ad aurum scilicet baudekin cum vestimento plenario de panno Yspannie ad aurum et hec volo ut ibi remaneant in meam memoriam qualitercunque res se habuerit Item assigno quadraginta marcas decem capellanis celebrantibus decem annualia et Placebo et Dirige singulis diebus cum ix lectionibus et commendatione et celebrent de quocunque sancto secundum dispositionem executorum meorum ita tamen quod in singulis missis dicant specialem collectam pro anima mea et generalem pro omnibus defunctis Et quia ordo Cysterciens et ordo fratrum predicatorum de speciali gratia concesserunt facere pro me post mortem sicut pro fratre sui ordinis per cartas suas que debent inter scripta mea inveniri volo quod carte ad capitula generalia deferantur et singulis ordinibus dentur decem marce ad pitantiam in absolutione anime mee et remissione peccatorum meorum Fratribus etiam minoribus in provinciali capitulo dentur centum solidi et carta ministri ordinis provincialis ei restituatur qui pecuniam solverit in forma predicta Ad obsequia vero mea facienda die obitus mei assigno viginti marcas Ad anniversarium meum singulis annis ubi cadaver meum resquiescet faciendum ad pitantiam fratrum vel vicariorum si Ebor obiero volo quod decem solidi imperpetuum assignentur et ad hoc assigno duodecim marcas Domino regi Henrico bysantia et obolos de musca Textum meum argenteum lego domui de Schyreburn et rogo quatenus quotienscumque ad ornatum altaris deferatur et mariole mee similiter ibidem remanentes singuli fratrum et sororum singulis diebus dicant pro anima mea orationem dominicam cum salutatione beate virginis et hoc scribatur in martilogio et pro Ihesu Cristo non tradatur oblivioni Duo gradualia nova de usu Sar duo antiphonaria nova cum psalteriis capitulariis ympnar et tertium cum collectaria ympnar et sine psalteriis martilogium et legenda que vocatur sanctorum et unum consuetudinarium Sar remaneant ibi imperpetuum de dono meo Crucem de cristallo lego ecclesie beate Marie Totton tertiam capam de serico ecclesie beate Marie Karl capelle sancti Edmundi de Gatesheved tunicam et dalmaticam de cendallo viridi et auriculare de serico ad textum subportandum Item frontale de serico radiato domui de Schyreburn et unam tualliam nigram ad patenam Item domino Ebor anulum meum cum rubeto maiori Item domino Dunelm anulum cum saphyro maiori Item domino Sar chipum argenti cum pede deaurato qui vocatur Chanteplure Item anuli capiantur de melioribus existentibus Ebor et dentur dominis Norwyc et Karleol episcopis Item domino Aldemaro Wyntoniens clerico pelves meas argenti cum palefrido meo meliori Item decano Ebor et singulis canonicis residentiam facientibus unum anulum auri cum saphiro ponderis circa x vel xii denariorum Item domino Roberto vicario de Aucland unum anulum auri et unam tualliam albam ad patenam Item crucem deauratam cum reliquiis et vas cristallinum ad reliquias domine Agneti abbatisse beate Marie Wynton et ecclesie loci illius Item lego calicem meum argenteum ubi corpus meum requiescet Item cervicalia mea de opere fratribus minoribus et predicatoribus ad textum supportandum Item pannos meos de serico ecclesiis meis ubi fuerit necesse et in quibus defectus fuerit Item bursas de serico laqueos et alia minuta iocalia apud Schyreburn et Ebor inventa volo quod executores mei distribuant inter clericos quondam domini mei Nicholai episcopi et domini Dunelm qui pro tempore fuerit Item casulam de viridi lego ecclesie de Merton Item lego fratribus et sororibus de Schyr duas marcas ad pitantiam et singulis capellanis ibidem dimidiam marcam Item Alano clerico centum solidos et chiphum argenti cum cruce in fundo Item Willelmo de Neubotel clerico xx solidos Item Iohanni Clavigero xl solidos Roberto Tilly dimidiam marcam Filio Willelmi Sley clerico dimidiam Item Bertramo ianitori et Ricardo filio suo quadraginta solidos solutis prius executoribus meis septem libris in quibus idem Willelmus mihi tenebatur Arma mea apud Scyrb existentia dividantur inter fratres Militie Templi et Hospitaliarios ita quod Hospitaliarii habeant ad valentiam quatuor marcarum Item monialibus beate Marie Wynton duas marcas ad pitantiam Incluse sancte Fidis unam marcam Incluse sancti Iacobi ii solidos Incluse sancte Katherine ii solidos Tribus aliis inclusis Wynton singulis vi denarios Capellanis de Kalend dimidiam marcam Capellanis de Fraria dimidiam marcam Fratribus minoribus Wynton dimidiam marcam Fratribus predicatoribus ibidem dimidiam marcam Fratribus minoribus Suthant dimidiam marcam Fratribus predicatoribus de Wylton dimidiam marcam Fratribus minoribus Sar dimidiam marcam Fratribus minoribus Norwic dimidiam marcam Fratribus predicatoribus ibidem dimidiam marcam Fratribus minoribus Karl dimidiam marcam Fratribus predicatoribus ibidem dimidiam marcam Fratribus predicatoribus de Novo Castro dimidiam marcam Fratribus minoribus ibidem dimidiam marcam Fratribus minoribus de Hertepol dimidiam marcam Fratribus predicatoribus ibidem dimidiam marcam Singulis vicariis de ecclesia beati Petri Ebor xii denarios Item domino Rogero rectori ecclesie de Aldwardstok compilationes morales archiepiscopi Stephani super Ysayam et duodecim prophetas Item Luce de Peyron clerico unum anulum aureum Magistro Rogero de Briddeport decem libras et librum meum de phisica Iohanni de Fonte decem libras de quibus tenetur in decem marcis ei mutuatis per cartam suam Gervasio ii marcas et dimidiam Filie Alicie sororis sue quinque marcas per manum Agathe sororis mee Item Agathe sorori mee magnam zonam de nigro serico ad aurum cum apparatu argenti deaurati Et eidem sexaginta et decem marcas ad filias Ysabelle sororis mee quondam maritandum de quibus volo quod Belota habeat quatuor marcas et omnes domos meas in villa Totton si vixerit et heredes de corpore suo habuerit alioquin dividantur inter alias filias predicte sororis mee Item Waltero le Boen aliam zonam de serico ad aurum cum apparatu argenti deaurati et cyphum argenteum planum cum cruce in fundo Et protestor coram deo quod non teneor ei in unico denario Item ad emendationem pontis Totton dimidiam marcam Item ad ap[] ecclesie sancte Crucis extra Wynton viginti solidos Item Petro garcioni quadraginta solidos Item Rogero Burell unam marcam Radulpho de Esinden et uxori sue centum solidos Alii garciones mei respiciantur in aliquo secundum merita prout executores mei videbunt expedire Item Agathe sorori mee magnum firmaculum meum de auro et Ysabelle filie quondam sororis mee tertiam zonam de serico cum apparatu argenti deaurati Item capellanis meis de Tydelfueshyde Coleshulle Felmingeham et vicariis meis Ebor singulis unam de robis meis Item incluse de Coleshull xii denarios Item Willelmo Crespino capellano ad unum annuale faciendum pro anima mea quatuor marcas Item fratribus minoribus Oxon decem solidos Fratribus predicatoribus ibidem decem solidos Fratribus minoribus Lond dimidiam marcam Fratribus predicatoribus ibidem dimidiam marcam Fratribus minoribus de Redingges v solidos Fratribus minoribus Exon dimidiam marcam Fratribus predicatoribus ibidem dimidiam marcam Item ad operationem beate Marie Sar viginti solidos Ecclesie beate Marie monialium Wynton vestimentum meum benddatum cum ymaginibus in paruris de samito rubeo et aliud vestimentum meum ad anniversarium ecclesie beati Benedicti de Hulme Norwyc Diocesis Iohanni clerico consanguineo meo quadraginta solidos et portehors meum maius et unum graduale de usu Sar Item lego pauperibus parentibus meis et cognatis de Tottenes Derthemuth et parochia de Breixham viginti libras distribuenda inter ea per manum Agathe sororis mee vel sui assignati Item centum solidos filiabus Benedicti de Exon avunculi mei ad se maritandum per manum eiusdem sororis mee Item Henrico dicto filio fratris mei si velit monachari in ordine Cysterciens detur ei vestura ad valentiam xx solidorum alioquin nichil habeat Item Agatha soror mea habeat cornu meum magnum ad bibendum cum apparatu argenti et remaneat heredibus nostris successive inperpetuum Item Bartholomeo Drapar Wynton unum anulum et viginti solidos ad robam Domino Iohanni Gylet cyphum de cristallo cum pede argenti Item Ysabelle nepti mee cyphum de nuce Indye cum pede et apparatu argenti Item domino Osberto de Briddeport xii coclearia argenti Et alia coclearia mea argenti dentur capellanis clericis armigeris servientibus specialibus et domesticis meis per manus executorum meorum Item Iohanni capellano meo centum solidos et parvum portehors et unum cyphum argenti Item de cypho meo argenteo fiat calix et detur ecclesie beate Marie Totton ad missam beate Marie virginis imperpetuum celebrandam Item utensilia mea in singulis domibus meis existentia volo quod fratres minores propinquiores in vicinio habeant si indiguerint alioquin vendantur in singulis locis et denarii dentur pauperibus parochianis in singulo locorum pro anima mea Item magistro Iohanni de Wytech lego sex scutellas argenti et xii salsaria argenti Item lego quinque de scutellis veteribus que sunt apud Ebor cum totidem salsariis argenti ad faciendum sex calices ad dandum ecclesiis meis si fuerit necesse vel aliis ecclesiis pauperibus ubi fuerit necesse Item reliqua vasa mea argenti iocalia non legata equi boves et vacce oves et totidem instaurum meum reliquum et omnia alia vendenda que superius non nominantur vendantur ad testamentum meum perficiendum Bibliam vero meam lego conventui sancti Benedicti de Hulm Norwycens diocesis Item anulum meum cum diamante et quatuor parvis smaragdis habeat Isabella neptis mea Anuli vero qui non sunt legati dentur amicis meis specialibus secundum dispositionem executorum meorum proviso tamen quod canonici Ebor habeant Item magistro I Trotard quadraginta solidos Iohanni de Fonte loricellam meam et duo purpunctos Completo autem testamento predicto de residuo dentur parochianis meis de Tydelushyde v marce de Coleshull xx solidi de Felmingham due marce de Brumfeld quinque marce de prebenda Ebor xx solidi Petro garcioni xl solidi ita quod habeat in universo sex marcas Radulpho de Wyngham xx solidi Radulpho de Middilton xx solidi Waltero de Wasseburn xx solidi Martino de Schypeford unam marcam Item magistro Iohanni Trotard unum anulum auri de pondere viii solidos ii denarios Item Petro garcioni quatuor marcas Thome Godman dimidiam marcam Petro carnifici Ebor dimidiam marcam Tribus filiabus sororis mee singule earum duas mappas et duas tuallias de melioribus Et alie dentur pro anima mea secundum dispositionem executorum meorum Triabus filiabus sororis mee singule earum unum monile auri Magnum missale meum novum lego altari sancti Leonardi Totton ita tamen quod Rogerus rector ecclesie de Alwardstoke habeat usum fructum dum vixerit Et eidem Rogero psalterium meum glosatum Domino Iohanni capellano meo epistolas Pauli glosatas Iohanni clerico nepoti meo librum cum coopertorio piloso quem vocavi portehors Fabrice ecclesie de Rumes dimidiam marcam Fratri Ricardo Cornub et fratri Iohanni minori singulo eorum unum habitum integrum Fratribus leprosis Wynton ii solidos Fratribus de Sand ii solidos Ad omnia ista et singula disponenda et exequenda constituo executores meos dominum decanum Ebor magistrum Iohannem de Wytech dominum Rogerum rectorem ecclesie de Alwardestok magistrum Rogerum de Briddeport dominum Iohannem Totton capellanum meum et Alanum de Schyreburn Et rogo pro Ihesu Cristo dominum Ebor archiepiscopum quod summus executor testamenti mei de omnibus bonis meis que sunt in sua provincia specialiter et misericorditer esse dignetur Ad ea vero specialiter exequenda que sunt in partibus australibus nolens omnes laboribus fatigari constituo executores meos magistrum Iohannem de Wytech dominum Rogerum rectorem ecclesie de Alwardestoke dominum Iohannem capellanum meum et magistrum Rogerum de Briddeport Rogo etiam dominum Sar episcopum pro Ihesu Cristo quod de omnibus bonis meis que sunt in provincia Cantuar summus executor et defensor testamenti mei esse dignetur cum effectu Volo etiam quod omnia bona mea de partibus australibus et borealibus communia sint ad executionem testamenti mei perficiendam Et rogo pro deo quod omnes et singuli predicti onus executionis testamenti mei in se velint suscipere cum effectu et quod executio vero mea cum omni qua poterit celeritate perficiatur Et volo quod si omnes in partibus diversis predicte ordinationi et executioni testamenti mei interesse non poterint duo vel tres ad dies statutos quos interesse contigerit secundum predictam ordinationem prout deus eis inspiraverit ordinent et disponant non exspectata presentia alicuius absentis Item volo et dispono quod terra mea de Wytewell et custodia de Middilton vendantur et de denariis fiat ut predictum est Volo etiam quod domus de Middilton de dictis denariis aliquantulum emendantur Commendo animam et corpus meum divine dispositioni in vitam eternam Amen Item Rogero marescallo meo decem solidos Waltero Kevelebul dimidiam marcam Item fratri Ricardo Cornub de ordine fratrum minorum epistolas canonicales