Charter Document - 03329076
| Charter Number: | 03329076 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Assigned |
| Resource Link(s): |
Reference Document for this Embedded Document Durham Cathedral Archive - Cartulary II (f10r) |
Charter:
Omnibus Cristi fidelibus presens scriptum visuris vel audituris Gilbertus de Beyl salutem in domino Noverit universitas vestra me dedisse concessisse et hac presenti carta mea confirmasse deo et beate Marie et sancto Cuthberto de Halieland et monachis ibidem deo servientibus in liberam puram et perpetuam elemosinam ad sustentationem luminis sancte Marie et sancti Cuthberti inperpetuum in magna ecclesia de eadem novem acras terre arabilis de dominico meo in campis de Beyl videlicet sex acras in cultura que vocatur Mansurlang et tres acras in cultura que vocatur Lekewyc totam scilicet culturam meam in utroque loco sicut iacet Quare volo quod dicti monachi habeant inperpetuum et possideant dictas novem acras terre cum libero introitu et exitu et cum omnibus libertatibus et aysiamentis ad eas spectantibus ad sustentationem dicti luminis adeo libere et quiete sicut aliqua elemosina liberius et quietius tenetur aut possidetur Hanc autem elemosinam dedi deo et prefatis sanctis et monachis ad sustentationem dicti luminis pro salute anime mee et pro animabus antecessorum et successorum meorum et pro orationibus suis quas prefati monachi michi concesserunt inperpetuum Ego vero et heredes mei prefatas novem acras terre cum libertatibus prenominatis dictis monachis ad sustentationem dicti luminis contra omnes homines et feminas warantizabimus inperpetuum defendemus et acquietabimus et si eas warantizare non poterimus faciemus escambium per visum virorum fide dignorum et monachorum de Insula qui pro tempore fuerint de tanta tam bona et adeo libera terra in campis de Beyl ad sustentationem predicti luminis inperpetuum In cuius rei testimonium presens scriptum sigilli mei munimine roboravi Hiis testibus Roberto de Kirkeham tunc constabulario de Norham domino Roberto de Clifford domino Willelmo de Scremerstona Willelmo Iuvene de eadem Iohanne de Hagaresta Henrico de Beringdona Patricio de Gosewyc Iohanne filio Constantini de eadem Willelmo de Harop et aliis