Charter Document - 03329071

Anno gratie MCC quinquagesimo quarto ad festum annunciationis beate virginis Marie facta est hec convencio inter dominum Robertum de Nevill ex una parte et Bertramum priorem et conventum Dunelm ex altera videlicet quod idem dominus R vendidit dictis priori et conventui totum compertum et vesturam bosci sui de Aldwde per tales divisas videlicet de West de Bruningburn usque Wivelington et de Branspath usque in Wer deliberanda infra triginta annos proximo sequentes a die annunciationis beate Marie predicte videlicet sex acras quolibet anno ad minus pro sexcentis et triginta marcis sterlingorum quas predicti prior et conventus predicto domino R pre manu pacaverunt et sciendum quod idem prior et conventus predicto capient maremium per totum boscum predictum ubicumque sibi viderint infra terminum predictum dum modo item provideatur indempnitati domini R quod crescencia bosci solvetur post sectionem ei in omnibus per se vel suos providenda videlicet quod de ramalis circa stipitem magne arboris incisis facient quandam clausturam quam licebit dictis priori et conventui in fine temporis asportare et quod sectio fiet per pedem arborum ita quod sub securi nichil decorticetur Dicti autem prior et conventus habebunt totum herbagium et pannagium et omnia proficua ex dicto herbagio et pannagio proveniencia videlicet de bosco non deliberato excepto quod dictus dominus R et heredes sui habebunt dominicos boves suos et porcos de propria nutritura de curia sua de Branspath in bosco predicto et salvis eidem domino R et heredibus suis omnibus feris eiusdem bosci ita quod dicti prior et conventus per venacionem dicti R vel heredum suorum nullam incurrant iacturam neque per homines suos et salvis eidem domino aeriis esperiorum suorum et aliarum avium alis capientium si que ibi nidificaverunt Et idem dominus R in initio huius convencionis concessit pro se et pro heredibus suis dictis priori et conventui unam placiam quatuor acrarum iuxta predictum boscum de Aldewde in loco qui dicitur Neuhag quam placiam licebit eis claudere muro vel haya ad reponendum boscum suum annuatim secatum donec poterunt apud Dunelm comode cariare Et idem dominus R et heredes sui facient dictis priori et conventui salvum iter per terram suam ad cariandum boscum usque Dunelm sine alicui impedimento per vias rationabiles propinquiores regie strate ubicumque elegerint Et si aliqui de tenentibus predicti R et heredum suorum infra predictum terminum foris fecerint in predicto bosco emenda fiet inde priori et conventui in curia ipsius R vel heredum suorum secundum quantitatem delicti Et sciendum quod idem R et heredes sui warantizabunt et defendant eisdem priori et conventui totum predictum boscum secundum quod predictum est in omnibus plenarie contra omnes homines usque ad predictum terminum triginta annorum ita quod pro defectu warantie in nullo erunt perdentes Custodes vero bosci ex parte dicti domini R et heredum suorum iurabunt fidelitatem dictis priori et conventui quod providebunt indempnitati illorum quantum poterunt quoad custodiam dicti bosci Et ut hec convencio stabilis et rata permaneat oppositum est uni parti istius scripti cyrographati sigillum domini R pro se et heredibus suis penes dictum priorem et conventum residenti et alteri parti sigillum domini B prioris Dunelm Et preterea dictum dominus R ad maiorem securitatem habendam se et heredes suos fide media obligavit ad dictam convencionem fideliter tenendam Et sicut forestarii dicti domini R facient fidelitatem dictis priori et conventui similiter forestarii dictorum prioris et conventus facient fidelitatem dicto domino R et heredibus suis quod providebunt indempnitati sue quoad custodiam ferarum et avium sicut superius annotatum est Hiis testibus dominis W de Midleton tunc senescallo domini Dunel Marmeduco filio Galfridi Thoma de Heringt Willelmo Hayron Philippo de Leya Alano de Kyrkham Roberto filio Ade W Haget Ada de Hyltona Eudone de Punchard W Bassett I de Runget Roberto Traynel et H de Henkely Simone Guer R de Driffeld et G de Forset Bernardo de Nevill Galfrido de Nevill Ricardo de Thornay Roberto de Waltam et aliis