Charter Document - 03329048
| Charter Number: | 03329048 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Papal |
| Charter Type(s): | Letter |
| Date: | 1255 |
| Date type: | Internal, Calendar, Papal |
| Resource Link(s): |
Reference Document for this Embedded Document Borthwick Institute - Register 2 (f2r) |
Charter:
Alexander [] venerabili filio episcopo Dunelm salutem et apostolicam benedictionem Tuam volentes honorare personam et per honorem tibi exhibitum aliis providere dispensandi cum tribus clericis tuis qui per vite ac scientie meritum dono huius gratie se coaptent quod eorum quilibet preter unicum beneficium ecclesiasticum quod optinet curam habens animarum annexam possit adhuc aliud vel si nullum tale habeat duo cum simili cura recipere libere si sibi canonice afferantur et etiam licite retinere constitutione generali concilii super hoc edita non obstante plenam tibi auctoritate presentium concedimus facultatem proviso quod beneficia huius debitis non fraudentur obsequiis et animarum cura in eis nullatenus negligatur Nulli autem omnino hominum liceat hanc paginam nostre concessionis infringere vel ausu temerario contraire siquis autem hoc atttemptare presumpserit indignationem omnipotentis dei et beatorum Petri et Pauli apostolorum se noverit incursurum Dat Neapoli xv kal Februarii pontificatus nostri anno primo