Charter Document - 03321045
| Charter Number: | 03321045 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1248 |
| Date type: | Internal, Calendar, Episcopal |
| Resource Link(s): |
|
Charter:
Nicholaus dei gratia episcopus dilectis in Cristo abbati filio et conventui sancte Marie Ebor salutem gratiam et benedictionem Vestram nullatenus credimus latere discretionem nos ad instantiam rectoris ecclesie de Gaynesford nostre dioecesis et amicorum dicti rectoris vobis precantibus in preiudicium iurisdictionis nostre et animarum prefate parochie decentem vicariam in eadem ecclesia ordinare et vicarium in eadem canonice instituere hactenus distulisse Propter quod tam dominum papam quam prefatum rectorem et amicos suos per clericos nostros in dicta curia fecimus interpellari ut non obstantibus prefatis impedimentis liceret nobis circa predictam officium nostrum exercere et predicte ecclesie super suis defectibus remedium adhibere qui rector clericis nostris prout nobis intimarunt respondit quod tam sue quam amicorum suorum placeret voluntati ut in dicta ecclesia vicaria competens et sufficiens ordinaretur et vicarius qui pro tempore administrationis sue per cura animarum quatenus secundum deum posset respondere in eadem institueretur dummodo porcio centum librarum de proventibus dicte ecclesie sibi integre remaneret Quapropter vobis mandamus quatinus in crastino sancte Lucie virginis per legitimum procuratorem apud Gaynesford coram nobis vel clericis nostris si videritis vobis expedire com pareatis scituri pro certo quod officium nostrum circa predicta exercere ulterius differre nolumus nec debemus Datum apud Auckland ii die Decembris pontificatus nostri anno octavo