Charter Document - 03321012
| Charter Number: | 03321012 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Receipt |
| Date: | 1248 |
| Date type: | Internal, Calendar, Episcopal |
| Resource Link(s): |
|
Charter:
Omnibus ad quos presentes littere pervenerint Nicholaus dei gratia Dunelmensis episcopus eternam in domino salutem Sciatis quod cum venerabilis frater dominus Silvester Karleoliensis episcopus cavisset per scripturam suam sub pena quingentarum marcarum quod prior et conventus Karleoliensis ordinationem discretorum virorum magistrorum Wiellmi de Kylkenn archidiaconi Coventriensis Thome de Wymundham precentoris Lychefeld et Odonis de Kylkenn et domini Waltero de Merton super ecclesiis de Novo Castro de Warkeworth de Neuburn et de Corbrig necnon medietate ecclesie de Witingham acceptarent et cum appositionem sigilli capituli sui ratificaret ipsi prior et conventus instrumento publico super dicta ordinatione confecto sigillum capituli sui apponi fecerunt ordinationem predictam acceptaverunt ita quod prefatus dominus Karleoli a cautione dictarum quingentarum marcarum remanet omnino quietus In cuius rei testimonium has litteras nostras fieri fecimus patentes Datum apud Middeham xxiiii die Iunii pontificatus nostri anno octavo