Charter Document - 03321009

Gregorius episcopus servus servorum dei dilectis filiis priori et conventui Dunelm salutem et apostolicam benedictionem Licet ad nos supra familiam domini constitutos provisio clericorum pertineat que in se opus continet pietatis sic tamen oportet provideri personis ut enormiter ecclesie non ledantur ex parte siquidem vestra nobis humiliter supplicatum ut cum ad mandatum apostolicum dilectis filiis Leonardo et Iacinto de Advocatis capellanis nostris et quam pluribus aliis a nobis in beneficio sit provisum et quibusdam teneamini ad annuas pensiones donec per nos beneficia consequantur vobis curaremus ne gravari debeatis in similibus indulgere Nos igitur vestris devotis supplicationibus inclinati auctoritate vobis presentium indulgemus ut per litteras apostolicas de cetero impetrandas ad provisionem non teneamini aliorum nisi expressam de hac indulgentia fecerint mentionem Nulli igitur omnino hominum liceat hanc paginam nostre concessionis infringere vel ei ausi temerario contrarie Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Viterbo non Maii pontificatus in anno undecimo