Charter Document - 03320262
| Charter Number: | 03320262 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1281 |
| Date type: | Internal, A.D., Episcopal |
| Resource Link(s): |
Durham Cathedral Archive - Register I (fii22r) |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelm salutem in domino sempiternam Noveritis nos dedisse concessisse et presenti carta nostra confirmasse Willelmo Wylde pro homagio et servitio suo quadraginta duas acras terre de vasto nostro in Holmersh iuxta campum de Plauswrth versus orientem et sic de campo de Plauswrth usque ad campum de Steresley habendas et tenendas sibi et heredibus suis et suis assignatis de nobis et successoribus nostris et ecclesia Dunelm inperpetuum libere quiete bene et in pace cum omnibus libertatibus et aysiamentis ad dictam terram pertinentibus reddendo inde annuatim nobis et successoribus nostris ad scaccarium nostrum Dunelm septemdecim solidos et sex denarios ad quatuor anni terminos in episcopatu Dunelm statutos videlicet pro qualibet acra quinque denarios pro omni alio servitio consuetudine exactione seculari et demanda In cuius rei testimonium presentem cartam sigilli nostri impressione fecimus communiri Hiis testibus dominis Gwyschardo de Charron tunc senescallo Dunelm Thoma de Herington Eudone de Ponchardon Rogero Bernard militibus et magistris Iohanne Hock Alano de Esyngwald Roberto Avenel Nicholao de Appilby Hugone de Monte Alto Waltero de Bemiton Roberto de Schouland Waltero de Urpath et aliis Dat apud Wolsyngham xvii die Aprilis anno domini MCC octogesimo primo et pontificatus nostri septimo