Charter Document - 03320258
| Charter Number: | 03320258 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1280 |
| Date type: | Assigned |
| Resource Link(s): |
Durham Cathedral Archive - Register I (fii20v) Durham Cathedral Archive - Register III (f286v) |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelmens salutem in domino sempiternam Noveritis nos dedisse concessissse et presenti carta confirmasse Ricardo quondam domino de Brafferton pro homagio et servitio suo terras nostras dominicas in Rogerley et tres acras bosci nostri in Sitilhopp et quadraginta quinque acras terre arabilis ex altera parte de Were versus orientem in loco qui vocatur Le Dribonside in eschambium ville terrarum et tenementorum suorum de Brafferton habendas et tenendas sibi et heredibus suis vel suis assignatis de nobis et successoribus nostris et ecclesia Dunelm libere quiete hereditarie bene et in pace cum omnibus libertatibus iuribus commoditatibus et aysiamentis ad tantam terram pertinentibus cum communa pasture ubi milites et ceteri liberi tenentes de partibus illis communant cum libero introitu et exitu Volumus et concedimus pro nobis et successoribus nostris quod liceat eidem Ricardo et heredibus suis vel assignatis suis predictas tres acras bosci claudere et ut suum separale habere et tenere et omnimodum comodum suum inde facere et quod quieti sint de pannagio pro porcis suis dominicis ibidem nutritis et quod molant bladum suum ubicumque voluerint faciendo etiam nobis et successoribus nostris servitium quantum pertinet ad quadragesimum partem feodi unius militis quando scutagium currit in episcopatu nostro Dunelm et tres sectas annuatim ad curiam nostrum Dunelm pro omnibus aliis servitiis consuetudinibus exactionibus secularibus et demandis In cuius rei testimonium presens scriptum sigilli nostri impressione fecimus communiri Hiis testibus dominis Gwyschardo de Charron tunc senescallo Dunelm Thoma de Herington et Iohanne filio Marmeduci et magistris Alano de Esingwald Iohanne Hock Roberto Avenel et Nicholao Appilbi et dominis Petro de Thoresby Thoma de Levesham et Gilberto de Thorneye et Willelmo de Fennum clericis et aliis