Charter Document - 03320256
| Charter Number: | 03320256 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1278 |
| Date type: | Assigned |
| Resource Link(s): |
Durham Cathedral Archive - Register I (fii24v) |
Charter:
Omnibus Cristi fidelibus ad quos presens scriptum pervenerit Robertus permissione divina episcopus Dunelm salutem in domino Noverit universitas vestra nos dedisse concessisse et hac presenti carta nostra confirmasse Iohanni filio Willelmi de Pokerley pro homagio et servitio suo viginti et octo acras terre quas Reginaldus de Homeldona quondam tenuit in villa et territorio de Pokerley habendas et tenendas sibi et heredibus suis de nobis et successoribus nostris bene et in pace libere et quiete imperpetuum cum omnibus libertatibus et aisiamentis ad predictam terram pertinentibus reddendo inde annuatim nobis et successoribus nostris ad scaccarium nostrum Dunelm sexdecim solidos et octo denarios ad quatuor anni terminos in episcopatu Dunelm constitutos et faciendo nobis et successoribus nostris servitia debita et consueta que dictus Reginaldus qui prefatam terram aliquando tenuit facere consuevit pro omnibus aliis servitiis consuetudinibus exactionibus secularibus et demandis In cuius rei testimonium presentem cartam sigilli nostri appositione fecimus communiri Hiis testibus dominis Gwischardo de Charron tunc senescallo Dunelm Thoma de Herington Iohanne filio Marmeduci militibus et magistris Alano de Esingwald Roberto Avenel domino Thoma de Levesham et aliis