Charter Document - 03320252
| Charter Number: | 03320252 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Universis presentes litteras inspecturis Robertus dei gratia Dunelmensis salutem in domino sempiternam Grata obsequia et merita graciosa domini Walteri de Merton qoundam domini regis Anglie cancellarii cari et specialis amici nostri domini et utilitati ecclesie nostre Dunelmensis gratanter inpensa plenius attendentes ac ipsius devotionem quam erga dictam ecclesiam nostram iugiter habuit nec adhuc sui gratia habere desinit merito commendantes quadraginta libras sterlingorum annuas eidem domino Waltero tanquam bene merito toto tempore vite sue de scaccario nostro et successorum nostrorum Dunelmensis in termino beati Martini in hyeme percipiendas presentium tenore concedimus et donamus Et has litteras nostras sibi in testimonium premissorum fieri fecimus patentes Datum apud Myddelham viii kalendas Octobris anno domini MCC septuagesimo septimo