Charter Document - 03320248
| Charter Number: | 03320248 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1278 |
| Date type: | Assigned |
| Resource Link(s): |
Durham Cathedral Archive - Register I (fii17v) Durham Cathedral Archive - Misc.Ch.6189 |
Charter:
Omnibus Cristi fidelibus presentis et futuris ad quos presens scriptum pervenerit Robertus permissione divina episcopus Dunelmensis salutem in domino sempiternam Noverit universitas vestra nos dedisse concessisse et hoc presenti carta nostra confirmasse dilecto et fideli nostro Iohanni de Maltona et heredibus et assignatis suis pro homagio et servitio suo totum manerium et villam de Herthewych supra Mare cum homagiis et omnimodis servitiis liberorum et aliorum tenentium eiusdem manerii sive aliquo retene mento exceptis terris quas prior et conventus Dunelmensis tenent in eadem villa tenenda et habenda dicto Iohanne heredibus et assignatis suis de nobis et successoribus nostris inperpetuum libere quiete bene et in pace cum omnibus pertinentiis libertatibus et aisiamentis et omnimodis commoditatibus eidem manerio vel ville aliquo modo pertinentibus faciendo nobis et successoribus nostris servitium vicesime partis feodi unius militis et sectam ad curiam nostram Dunelmensis pro omni alio servitio consuetudine exactione auxilio tallagio vel quacumque alia demanda seculari que a dictis manerio vel villa aliquo modo exigi poterunt inperpetuum In cuius rei testimonium presentem cartam sigilli nostri appositione fecimus communiri Hiis testibus dominis Gwyschardo de Carron tunc senescallo Dunelmensis Thoma de Heringtona Iohanne filio Marmaduci Willelmo de Latona militibus et magistris Alano de Hesingwold Roberto Averel Roberto de Driffeld domino Thoma de Leveshame clerico Iohanne Lutegrayns Thoma de Fisseburn Iohanne de Insula Thoma de Kelawe Iohanne de Scurvetona