Charter Document - 03320241
| Charter Number: | 03320241 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii22v) |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelm salutem in domino sempiternam Noveritis nos dedisse concessisse et presenti carta nostra confirmasse Iohanni Le Flemingg de Novo Castro et Isabelle uxori eius pro homagio et servitio suo quandam placeam de vasto nostro in mora nostra de Schotton et de Esington infra divisas subscriptas incipiendo a via que ducit de Castel Eden versus Hessewell et transit ultra Goreburne et per illam viam ascendendo usque ad divisas de Lodewrth versus boream sicut fossato includitur et sic descendendo per predictas divisas de Lodewrth per medium Wydeker usque in Goreburn versus australem et sicut descendendo per Goreburne versus orientem usque ad predictam viam que ducit de Castel Eden versus Hessewell ut predictum est habendam et tenendam predictis Iohanni et Isabelle et heredibus suis vel suis assignatis in suo separali omnibus diebus anni de nobis et successoribus nostris et ecclesia Dunelm inperpetuum una cum communa pasture in moris de Schotton et Esington ad omnia et singula animalia et averia sua et omnimodis libertatibus commoditatibus et appruamentis ad predictam placeam qualitercumque pertinentibus reddendo inde annuatim nobis et successoribus nostris ad scaccarium nostrum Dunelm sexaginta sex solidos et octo denarios sterlingorum ad quatuor anni terminos in episcopatu Dunelm constitutos faciendo inde nobis et successoribus nostris forinsecum servitium quantum pertinet ad quadragesimam partem feodi unius militis quando scutagium currit in episcopatu Dunelm pro omnibus aliis servitiis auxiliis tallagiis et demandis que de dicta terra exigi poterunt in futurum Heredes etiam et assignati dictorum Iohannis et Isabelle dabunt decem marcas pro relevio dicte terre cum acciderit In cuius rei testimonium presentem cartam sigilli nostri impressione fecimus communiri Hiis testibus Gwyschardo de Scharron tunc senescallo Dunelm Thoma de Herington Iohanne filio Marmeduci Rogero Bernard Willelmo de Laton Iohanne de Farnacs Eudone de Ponchardon militibus et magistris Roberto Avenel Rogero le Counte Nicholao de Appilby clericis Alexandro de Bedyk Roberto de Bruninghill et aliis Dat Dunelm vi kalend Martii anno domini MCC octagesimo secundo et pontificatus nostri nono