Charter Document - 03320237
| Charter Number: | 03320237 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1277 |
| Date type: | Assigned |
| Resource Link(s): |
Durham Cathedral Archive - Register I (fii18v) Durham Cathedral Archive - Cartulary II (f108r) |
Charter:
Omnibus Cristi fidelibus ad quos presens scriptum pervenerit Robertus permissione divina episcopus Dunelm salutem in domino Noveritis nos dedisse concessisse et hac presenti carta nostra confirmasse deo et beato Iohanni Baptiste et sancto Godrico domui et priori de Finkehalwe et monachis ibidem deo servientibus et in posterum servituris unam vaccariam in foresta nostra de Spirleswode in loco qui dicitur Balveshenge et viginti unam acras vasti nostri ad pratum faciendum in predicto loco per has divisas videlicet a loco qui dicitur Fulgathe ex parte occidentali et ab illo loco usque ad locum qui dicitur Aldeparkeyathe ex parte aquilonari et ab hinc usque ad viam que iterum ducit ad Stambrigg Quam quidem vaccariam et predictas viginti unam acras eisdem dedimus et concessimus ad claudendum et commodum suum inde faciendum secundum quod melius sibi viderint expedire Habendas et tenendas in puram et perpetuam elemosinam de nobis et successoribus nostris libere quiete et pacifice in planis nemoribus pasturis pascuis viis et semitis cum tota communi pastura ad villam et manerium de Softeley pertinente et cum omnibus libertatibus commoditatibus et asiamentis ad dictam vaccariam et predictas viginti unam acram pertinentibus Volumus etiam et concedimus pro nobis et successoribus nostris quod dicti prior et monachi habeant et percipiant per visum forestariorum nostrorum et successorum nostrorum rationabilia estoveria sua in dicta foresta de Spirleswode ad edificandum domos sibi necessarias in dicta vaccaria et ad hayandum ibidem et ad comburendum et quod liberi sint imperpetuum quoad ipsam vaccariam et prenominatas viginti unam acras ab omni auxilio tallagio consuetudine et demanda In cuius rei testimonium presens scriptum sigilli nostri appositione fecimus communiri Hiis testibus dominis Roberto de Nevil Gilberto Haunsard Gwischardo de Charron tunc senescallo nostro Ada de Fulthorp Rogero Bernard militibus Hugone de Monte Alto et Waltero de Bermetun tunc forestariis nostris et aliis