Charter Document - 03320236
| Charter Number: | 03320236 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii36r) Durham Cathedral Archive - Register I (fii42v) |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelm salutem in domino sempiternam Noveritis nos manumisisse et a servitute in perpetuam libertatem vocasse Eustachium filium Eustachii de Fenwyk cum tota sequela sua et catallis suis imperpetuum Quare volumus et firmiter precipimus quod dictus Eustachius et omnes ac singuli de sequela sua in se defendendo in aliis conveniendo et attestando duellum invadiando et in omnibus contractibus nominatis et innominatis ut liberi admittantur imperpetuum ubicumque liberi et ingenui locum possunt optinere Et ne nos vel aliquis successorum nostrorum dictum Eustachium vel aliquem de sequela sua ad aliquam consuetudinem vel exactionem servilem de cetero in terra nostra vel extra compellere possimus aut hanc manumissum et libertatis donationem infringere vel aliquo modo infirmare valeamus huic presenti scripto sigillum nostrum apposuimus Hiis testibus dominis Gwyschardo de Charron tunc senescallo Dunelm Thoma de Heryngton Iohanne filio Marmeduci Henrico de Lythent militibus magistris Iohanne Hok Alano de Esynwald Roberto Avenele Nicholao de Appilby dominis Iohanne de Middelton Ricardo le Procuratur Waltero de Rokbir et aliis Dat apud Norham iii non Aprilis anno domini MCC octogesimo primo et pontificatus nostri septimo