Charter Document - 03320234
| Charter Number: | 03320234 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1277 |
| Date type: | Assigned |
| Resource Link(s): |
Durham Cathedral Archive - Register I (fii39r) |
Charter:
Omnibus Cristi fidelibus ad quos presens scriptum pervenerit Robertus permissione divina episcopus Dunelm salutem in domino sempiternam Noveritis nos dedisse concessisse et hac presenti carta nostra confirmasse Emeryco de Eyvile pro homagio et servitio suo sexties viginti acras terre de vasto nostro in mora de Blacwode que se extendunt in longitudine de fossato qui vocatur Haverakerdick versus austrum usque Losesnapp versus boream et in latitudine de bosco de Blacwode versus orientem usque ad divisas de Osgotby versus occidentem habendas et tenendas eidem Emeryco et heredibus suis vel assignatis suis de nobis et successoribus nostris et de ecclesia Dunelm inperpetuum et ad communandum inter Usam et Derwent sicut ceteri liberi homines nostri communant cum libero introitu et exitu et omnibus libertatibus et aisiamentis in moris planis et pascuis pasturis viis semitis stangnis molendinis pettariis et turbariis reddendo inde annuatim nobis et successoribus nostris viginti solidos sterlingorum ad quatuor anni terminos in Hovedenschyr consuetos Et quando scutagium currit et scutum fuerit ad quadraginta solidos solvent nobis et successoribus nostris dictus Emerycus et heredes sui et sui assignati sex denarios tantum et facient tres sectas tantum in anno ad curiam nostram de Hoveden unam videlicet ad proximam curiam post festum sancti Michaelis et aliam ad proximam curiam post Natale et tertiam ad proximam curiam post Pascha pro omnimodis aliis servitiis auxiliis tallagiis consuetudinibus et quibuscumque aliis exactionibus iuribus et demandis quocumque nomine censeantur Et licebit dicto Emeryco et heredibus et assignatis suis seminare totam terram predictam quolibet anno et illam claudere et fossare pro voluntate sua et ut suum separale tenere et omnimodum commodum suum inde facere In huius rei testimonium hanc cartam eidem Emerico fieri fecimus et eam sigillo nostro roboravimus Hiis testibus dominis Petro de Malo Lacu Rogero de Lascell Gwyschardo de Charron tunc senescallo Dunelm Henrico filio Conani et Thoma de Metham militibus et magistris Alano de Esingwalde Roberto Avenel et Roberto de Driffeld et Roberto de Meynthorp Iohanne de Averang Willelmo de Middeltona Ricardo de Amecotis Roberto de Osgotby et Gilberto de Thorneye et Willelmo de Fennum clericis et multis aliis