Charter Document - 03320233
| Charter Number: | 03320233 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo reverendo domino Edwardo dei gratia illustri regi Anglie domino Hibernie et duci Aquitanie Robertus eiusdem permissione episcopus Dunelmensis salutem et prosperos ad vota successus in eo per quem reges regnant et principes dominantur Vestre excellentie notum facimus per presentes quod Iohannes Haryng Robertus frater eius Adam Rybaud Willelmus filius eius et Iohannes del Clay nostre dioecesis ob eorum multiplicatam contumaciam et manifestam offensam excommunicationis sententia per nos auctoritate ordinaria innodantur in qua non solum per quadraginta dies set per annum et amplius perstiterunt animo indurato et adhuc in eadem sententia dampnabiliter perseverant claves ecclesie pertinaciter contempnendo Quocirca regie maiestati vestre humiliter supplicamus quatinus dictorum excommunicatorum in devotionem et proterviam potestate regia compescentes ipsos ad satisfaciendum deo et ecclesie secundum regni vestri consuetudinem dignemini cohercere Valeat excellentia vestra per tempora longiora Datum apud Middelham ii kalendas Februarii anno domini MCC octogesimo secundo