Charter Document - 03320232
| Charter Number: | 03320232 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1275 |
| Date type: | Internal, Calendar, Episcopal |
| Resource Link(s): |
|
Charter:
Excellentissimo principi et domino suo domino E dei gratia illustri regi Angl domino Hibern duci Aquit R eiusdem permissione episcopus Dunelm salutem et prosperos ad vota successus in eo per quem reges regnant et principes dominantur Vestre excellentie notum facimus per presentes quod Radulphus de Laxinton marescallus Iohannes del Pek Willelmus de Neuton Hudde le Forester Iohannes filius Roberti de Camera Robertus de Horselee forestarius Henricus forestarius Robertus filius Alicie Alexander de Chesewyk Adam de Espeleye Robertus de Camera Iohannes de Sutton rector ecclesie de Laxynton et Stephanus capellanus ipsius Iohannis ob manifestam eorum offensam meritis suis exigentibus excommunicationis sententia innodantur in qua per quadraginta dies et amplius indurato animo perstiterunt et adhuc persistere non formidant claves ecclesie pertinaciter contempnendo Quo circa dominationi vestre humiliter supplicamus quatinus predictorum Radulphi Iohannis Willelmi Hudde Iohannis Roberti Henrici Roberti Alexandri Ade Roberti Iohannis et Stephani insollentia compescentes ipsos ad satisfaciendum deo et ecclesie secundum regni vestri consuetudinem regia potestate dignemini cohercere In cuius rei testimonium sigillum nostrum presentibus est appensum Valeat reverentia excellentia vestra in domino per tempora longiora Dat apud Hovedene quarto Kalend Novembris pontificatus nostri anno primo