Charter Document - 03320231
| Charter Number: | 03320231 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, Calendar, Episcopal |
| Resource Link(s): |
|
Charter:
Excellentissimo principi et domino suo reverendo domino Edwardo dei gratia illustri regi Anglie domino Hibernie et duci Aquitanie Robertus eiusdem permissione episcopus Dunelmensis salutem et prosperos ad vota successus in eo per quem reges regnant et principes dominantur Dominationi vestre notum facimus per presentes quod Robertus Santemarays de Novo Castro clericus qui de morte Iacobi le Flamengg et fractione carceris eiusdem ville fuerat irretitus et apud multos graviter diffamatus ac nobis tamquam loci dioecesano iuxta sanctiones canonicas liberatus se coram nobis in Galilea Dunelmensis ii kalendas Augusti anno domini MCCLXX nono de huiusmodi infamia rite et canonice purgavit iuris ordine in omnibus observato propter quod ipsum a predicta infamia tanquam bonorum et legalium clericorum testimonio sic fulci tum per diffinitivam sententiam absolvimus et universis sancte matris ecclesie filiis iudicialiter nunciamus absolutum Hinc est quod vestre excellencie humiliter supplicamus quatinus percipere dignemini quod bona dicti Roberti in manu vestra accione dicte diffamationi sortita sibi restituantur prout est equitati et rationi Valeat excellentia vestra per tempora diuturna Datum Dunelmensis kalendas Augusti anno domini MCCLXX nono