Charter Document - 03320228
| Charter Number: | 03320228 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo reverendo domino E dei gratia illustri regi Anglie domino Hibernie et duci Aquitanie R eiusdem permissione episcopus Dunelm salutem et prosperos ad vota successus in eo per quem reges regnant et principes dominantur Vestre excellentie notum facimus per presentes quod Beatrix de Witfeld et Robertus filius eius nostre diocesis ob eorum multiplicatam contumaciam et manifestam offensam excommunicationis sententia per nos auctoritate ordinaria innodantur in qua per quadraginta dies et amplius perstiterunt animo indurato et adhuc in eadem sententia dampnabiliter perseverant claves ecclesie pertinaciter contempnendo Quocirca regie maiestati vestre humiliter supplicamus quatinus supradictorum Beatricis et Roberti filii eius indevotionem et proterviam compescentes ipsos ad satisfaciendum deo et ecclesie secundum regni vestri consuetudinem regia potestate dignemini cohercere Has autem litteras nostras patentes fieri fecimus in testimonium premissorum Dat apud Aukeland xii kal Decembris anno domini MCCLXX septimo