Charter Document - 03320226
| Charter Number: | 03320226 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo reverendo domino E dei gratia illustri regi Anglie domino Hybernie et duci Aquitanie R eiusdem permissione episcopus Dunelm salutem et prosperos ad vota successus in eo per quem reges regnant et principes dominantur Vestre excellentie notum facimus per presentes quod Thomas de Eadmundville ob multiplicatam contumaciam et manifestam offensam excommunicationis sententia innodatur in qua per quadraginta dies et amplius animo perstitit induratus et adhuc persistere non formidat claves ecclesie pertinaciter contempnendo Quocirca dominationi vestre humiliter supplicamus quatinus prefati Thome insollentiam compescentes ipsum ad satisfaciendum deo et ecclesie secundum regni vestri consuetudinem regia potestate dignemini cohercere In cuius rei testimonium sigillum nostrum presentibus est appensum Valeat reverentia dominatio vestra per tempora longiora Dat apud Aucland vi kal Octobris anno domini MCCLXX quinto