Charter Document - 03320224
| Charter Number: | 03320224 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1280 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelmensis salutem in domino sempiternam Noveritis nos dedisse concessisse et hac presenti carta nostra confirmasse dilecto et fideli nostro Thoma de Est Nesbit camerario nostro pro homagio et servicio suo et grato obsequio nobis et ecclesie nostre Dunelmensis prestito totam illam terram cum pertinentiis que iacet in mora nostra de Boldon incipiendo apud Reysthill et sic descendendo per fossatum Gilberti Gategang usque ad angulum fossati predicti Gilberti et sic descendendo usque in Harehopp et sic procedendo de Harehopp usque in Bolleburn et sic ascendendo per Bollesburn usque ad oppositum campi de Foleteby et iterum ascendendo per campum de Foleteby usque in Reysthill habendam et tenendam sibi et heredibus suis vel suis assignatis de nobis et successoribus nostris et ecclesia Dunelmensis inperpetuum cum omnibus libertatibus iuribus commoditatibus et aysiamentis ad predictam terram qualitercumque pertinentibus Ita quod liceat prefato Thome et heredibus suis vel suis assignatis predictam terram pro eorum voluntate claudere et fossare et ut suum separate habere et tenere et omnimodum comodum suum inde facere reddendo inde annuatim nobis et successoribus nostris ad scaccarium nostrum Dunelmensis dimidiam marcam argenti tantum ad quatuor anni terminos in episcopatu Dunelmensis constitutos pro omni alio servitio tallagio scutagio sectis curiarum et molendinorum et omnimodis auxiliis consuetudinibus exactionibus secularibus et de mandis que per nos vel successores nostros exigi poterunt in futurum quocumque nomine censeantur In cuius rei testimonium presentem cartam sigilli nostri impressione fecimus communiri Hiis testibus dominis Gwyschardo de Charron tunc senescallo Dunelmensis Roberto de Hilton Thoma de Herington et Iohanne filio Marmeduci militibus et magistris Alano de Esingwald Iohanne Hock Roberto Avenel et domino Thoma de Levesham clerico et aliis