Charter Document - 03320223
| Charter Number: | 03320223 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Episcopal |
| Resource Link(s): |
Durham Cathedral Archive - Register I (fii17v) |
Charter:
Omnibus hoc scriptum visuris vel audituris Robertus permissione divina episcopus Dunelm salutem in domino Noveritis nos dedisse concessisse et presenti carta nostra confirmasse dilecto et fideli nostro Henrico de Dunelm clerico custodiam manerii nostri in villa Westm extra barram London habendam et tenendam de nobis et successoribus nostris toto tempore vite sue percipiendo singulis annis de nobis et successoribus nostris duas robas de secta clericorum et singulis diebus duos denarios prout alii custodes dicti manerii percipere consueverunt temporibus predecessorum nostrorum salvis nobis et successoribus nostris redditibus et firmis tenentium nostrorum ibidem escaetis proficuis et amerciamentis curiarum predictorum tenentium Volumus etiam quod predictus Henricus tamdiu custodiam dicti manerii habeat et premissa percipiat quamdiu in propria persona manerium custodire voluerit antedictum In cuius rei testimonium presentem cartam sigilli nostri appositione fecimus communiri Dat apud Waltham quarto Novembris anno domini MCC septuagesimo octavo et pontificatus nostri quarto