Charter Document - 03320221
| Charter Number: | 03320221 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1283 |
| Date type: | Assigned |
| Resource Link(s): |
Durham Cathedral Archive - Cartulary II (f38r) |
Charter:
Universis presentes litteras inspecturis Robertus permissione divina episcopus Dunelmens salutem in domino sempiternam Noveritis nos dedisse concessisse et hac presenti carta nostra confirmasse deo et beato Cuthberto ac domino priori et monachis ecclesie Dunelm unum toftum in villa de Mollesdon et duas acras terre in territorio eiusdem que dominus Rogerus Bertram donavit bone memorie domino Roberto predecessori nostro una cum advocatione ecclesie ville de Meldon habenda et tenenda in puram et perpetuam elemosinam cum omnibus libertatibus iuribus et asiamentis ad dictum toftum et terram una cum advocatione dicte ecclesie pertinentibus ita quod liceat dicto domino priori Dunelm qui pro tempore fuerit ad dictam ecclesiam quotienscumque vacaverit absque contradictione nostra vel successorum nostrorum libere presentare Nos vero et successores nostri dictum toftum terram et advocationem ecclesie memorate prefatis priori et monachis contra omnes homines warantizabimus et inperpetuum defendemus In cuius rei testimonium presentem cartam sigilli nostri appositione fecimus communiri Hiis testibus dominis Roberto de Nevil Guischardo de Charron tunc senescallo Dunelm Thoma de Herington militibus et magistris Alano de Esingwald Alexandro de Alverton Roberto Avenel et Roberto de Driffeld et aliis