Charter Document - 03320217
| Charter Number: | 03320217 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1277 |
| Date type: | Internal, Calendar, Episcopal |
| Resource Link(s): |
|
Charter:
Universis presentes litteras inspecturis Robertus permissione divina episcopus Dunelmens salutem in domino sempiternam Inter ceteras pastoralis cure sollicitudines illa prestanior et deo acceptior iudicatur per quam noxia submoverentur aguntur profutura eradicantur vicia inseruntur virtutes et profectus queritur animarum ad quam profectum efficaciter procurandum pabulum verbi dei quod fidelem animam cibus reficit spirituali permaxime dinoscitur necessarium et inter cetera que ad salutem spectant populi Cristiani plurimum oportunum ut igitur ad sancte predicationis verbum libentius audiendum mentes fidelium excitemus de omnipotentis dei misericordia beate virginis apostolorum Petri et Pauli sancti Cuthberti confessoris gloriosi ac omnium sanctorum dei meritis et intercessionibus confidentes omnibus parochianis nostris et aliis quorum diocesani hanc nostram indulgentiam ratam habuerint de commissis vere contritis et confessis qui predicationem cuiuscumque monachi monasterii Dunelm in nostra ecclesia cathedrali vel civitate cum devotione audierint seu pro statu ecclesie regis et regni Angl orationem dominicam cum salutatione beate virginis humiliter dixerint et devote quadraginta dies de iniuncta sibi penitentia misericorditer relaxamus Volumus etiam et mandamus quod quilibet in dictis locis sermonem populo faciens ad huiusmodi orationes devote dicendas in fine predicationis sue astantem populum instruat et informet Dat apud Aukeland v kal Decembris pontificatus nostri anno tertio