Charter Document - 03320208
| Charter Number: | 03320208 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1281 |
| Date type: | Internal, A.D., Episcopal |
| Resource Link(s): |
|
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelmens salutem in domino sempiternam Noveritis nos dedisse concessisse et presenti carta nostra confirmasse dilecto et fideli nostro Willelmo filio Roberti le Despens de Hessewell pro homagio et servitio suo sexaginta acras terre de vasto nostro iuxta Buttesfeld iacentes per has divisas videlicet a villa de Buttesfeld versus austrum usque in rivulum de Brune et de Brune usque in Baseleylech et de Baseleylech ascendendo iuxta boscum de Botesfeld usque Sevenakes et de Sevenakes usque Bromeshevid et de Bromeshevid usque ad fossatum de Botesfeld habendas et tenendas eidem Willelmo et heredibus suis vel suis assignatis de nobis et successoribus nostris et ecclesia Dunelm in feodo et hereditate inperpetuum libere quiete integre et pacifice cum omnibus libertatibus comoditatibus et aysiamentis ad predictam terram pertinentibus in moris mariscis boscis planis pascuis et pasturis et omnibus aliis appruvamentis cum libero introitu et exitu sibi et omnibus rebus suis reddendo inde annuatim nobis et successoribus nostris ad scaccarium nostrum Dunelm viginti quinque solidos videlicet pro qualibet acra quinque denarios ad quatuor anni terminos in episcopatu Dunelm constitutos pro omnibus aliis servitiis consuetudinibus sectis curiarum auxiliis exactionibus secularibus et demandis Et cum commune tallagium fuerit in episcopatu nostro predicto solvant predicti Willelmus et heredes vel assignati sui pro tallagio duos solidos tantum In cuius rei testimonium presentem cartam sigilli nostri appositione fecimus communiri Hiis testibus dominis Gwyschardo de Charron tunc senescallo Dunelm Roberto de Helton militibus magistro Roberto Avenel Alexandro de Bedick Henrico de Insula Hugone de Monte Alto Waltero de Berniton Roberto de Torp Gilberto de Graustanes Willelmo de Massam Gilberto de Thorney Willelmo de Fennum clericis et aliis Dat apud Halton xv die Iunii anno domini millesimo ducentesimo octogesimo primo et pontificatus nostri septimo