Charter Document - 03320206
| Charter Number: | 03320206 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii22v) Durham Cathedral Archive - Cartulary II (f9r) Durham Cathedral Archive - Misc.Ch.1217 People of Medieval Scotland |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelmens salutem in domino sempiternam Noveritis nos dedisse concessisse et presenti carta nostra confirmasse dilectis in Cristo filiis domino Henrico de Hornecastr priori de Coldingham et monachis loci eiusdem et eorum successoribus unam placeam ad habitandum in villa de Haly Eland ex parte boriali de Lamesete que continet sexties viginti pedes in longitudine et totidem in latitudine habendam et tenendam eisdem priori et monachis et eorum successoribus de nobis et successoribus nostris libere quiete integre et pacifice inperpetuum cum omnibus libertatibus consuetudinibus et aysiamentis ad dictam villam de Haly Eland pertinentibus reddendo inde annuatim nobis et successoribus nostris ad scaccarium nostrum de Norham sex denarios ad quatuor anni terminos in Norhamschyre constitutos pro omni servitio consuetudine exactione secta curie et demanda In cuius rei testimonium sigillum nostrum apponi fecimus huic scripto Hiis testibus dominis Gwyschardo de Charron tunc senescallo Dunelm Thoma de Herington et Iohanne filio Marmeduci militibus et magistris Alano de Esingwald Iohanne Hock Roberto Avenel et Nicholao de Appelby et aliis Dat apud Alverton vi id Septembris anno domini MCCLXX nono et pontificatus nostri quinto