Charter Document - 03320203
| Charter Number: | 03320203 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1276 |
| Date type: | Assigned |
| Resource Link(s): |
Durham Cathedral Archive - Register I (fii24r) |
Charter:
Omnibus Cristi fidelibus presens scriptum visuris vel audituris Robertus dei gratia episcopus Dunelm salutem in domino Noverit universitas vestra nos dedisse concessisse et hac presenti carta confirmasse Gwyschardo de Charon et Isabelle uxori sue et heredibus de ipsis Gwyschardo et Isabella exeuntibus pro homagio et servitio suo totam illam terram que fuit Gilberti le Norreys cum molendino aquatico Volumus etiam et concedimus quod predicti Gwyschardus et Isabella et heredes sui habeant et teneant ad incrementum dicti tenementi totum le Strothere de Caldesete et de wasto nostro per has divisas scilicet de aqua de Thame iuxta parvam semitam que ducit de Rodeley usque Pokerley versus aquilonem usque in oppositum de Redewayknol versus occidentem linealiter se extendendo usque Elderpestemosse et sic versus occidentem usque in aquam de Thame et sic ultra dictam aquam de Thame versus occidentem usque ad sepem de Pokerley et sic usque in Foxburnepeth Preterea concedimus et confirmamus eisdem Gwyschardo et Isabelle et eorum heredibus decem acras arabilis et bosci quas Rogerus de Caldesete de nobis tenuit et quas idem Gwychardus habet ex dimissione predicti Rogeri inter domum eiusdem Rogeri et predictam aquam de Thame Habenda et tenenda predictis Gwyschardo et Isabelle et heredibus suis vel suis assignatis omnia predicta tenementa libere quiete pacifice et integre ad claudendum ut suum separale per totum annum et ad omnimodum proficium suum inde faciendum cum omnibus libertatibus et aysiamentis ad predicta tenementa pertinentibus una cum omnibus communis pasturis ex utraque parte aque de Thame in quibus milites et liberi homines illius patrie communicant et quod habeant ad edificandum et husebote et haybote in boscis nostris in warda de Cestre per visum forestariorum nostrorum reddendo inde per annum nobis et successoribus nostris ad scaccarium nostrum Dunelm viginti et octo solidos et octo denarios ad quatuor anni terminos in episcopatu nostro statutos pro omnibus aliis servitiis tallagiis sectis omnimodis curiarum et omnibus consuetudinibus exactionibus secularibus et demandis et quod quieti sint de pannagio de omnimodis porcis suis ibidem nutritis Volumus etiam et concedimus quod nullus heredum predictorum Gwychardi et Isabelle ratione predictorum tenementorum nec tenementa prenominata sint in custodia nostra nec in custodia successorum nostrorum et quod solvant pro relevio suo viginti et octo denarios tantum In cuius rei testimonium huic carte sigillum nostrum fecimus apponi Hiis testibus dominis Roberto de Neville domino de Radby Thoma de Herington Iohanne filio Marmeduci Willelmo de Yelande et Iohanne de Farnacres militibus et magistris Alano de Esingwald Roberto Avenel tunc cancellario nostro Petro de Thoresby tunc thesaurario nostro Thoma de Levesham clerico et magistro Roberto de Driffeld et multis aliis