Charter Document - 03320202
| Charter Number: | 03320202 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1274 - 1279 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quorum notitiam presens scriptum pervenerit Robertus permissione divina episcopus Dunelm salutem in domino sempiternam Noverit universitas vestra nos manumisisse et a servitute in perpetuam libertatem vocasse Hugonem de Karleon filium Willelmi de eadem nativum nostrum cum tota sequela sua et omnibus catallis suis Quare volumus et concedimus pro nobis et successoribus nostris quod dictus Hugo et omnes ac singuli de sequela sua in se defendendo in aliis conveniendo et attestando in duellum invadiando et ad omnes actus legitimos qui ad liberos et ingenuos pertinere poterunt atque in omnibus contractibus nominatis et innominatis ut liberi admittantur inperpetuum ubicumque liberi et ingenui locum possunt optinere Et ne nos vel successores nostros aliquid ius vel clamium in eodem Hugone vel aliquo de sequela sua vel catallis eorum ratione nativitatis sive servitutis habere seu vendicare vel ipsum aut aliquem de sequela sua ad aliquam consuetudinem vel actionem sive exactionem servilem compellere aut hanc manumissionem et libertatis donationem infringere vel aliquo modo infirmare valeamus presenti scripto sigillum nostrum fecimus apponi Hiis testibus dominis Roberto de Hencle Gilberto Haunsard Roberto de Helton Thoma de Herington Willelmo de Laton militibus et magistris Alano de Esingwald Iohanne Hock Roberto Avenel Nicholao de Applby et Iohanne de Malton Iohanne de Merley Thoma de Kellaw et aliis