Charter Document - 03320199

Omnibus Cristi fidelibus ad quos presens scriptum pervenerit Robertus permissione divina episcopus Dunelm salutem in domino sempiternam Noveritis nos dedisse concessisse et hac presenti carta nostra confirmasse Willelmo de Castrobernardo pro homagio et servitio suo duo tofta in villa de Rykehall quorum unum continet unam rodam terre et unam acram quod iacet in Westfeld et extendit se versus Osebernekerr et aliud toftum quod iacet in loco qui vocatur Smythehill prope toftum Willelmi fabri et quinquies viginti et duodecim acras terre de vasto nostro in territorio eiusdem ville ad colendum et omnimodum commodum suum inde faciendum quarum quinquies viginti et duodecim acrarum terre duodecim acre iacent in Suthwod inter terram Thome filii Walteri et boscum prebende de Rykehall et quadraginta sex acre iacent in loco qui vocatur Litilhirst et quatuor acre iacent inter Litilhirst et Le Newkerr quas Hugo Rykelot quondam tenuit et due acre iacent in loco qui vocatur Pnot Riddyng quas Iohannes de Seleby quondam tenuit et una acra iacet in loco qui vocatur Trepewod et quadraginta quatuor acra iacent in loco qui vocatur Foletwayt cum venello quod procedit de Foletwayt in Litilhirst et tres acre iacent in Foletwayt quas Thomas filius Walteri quondam tenuit habenda et tenenda eidem Willelmo et heredibus suis vel suis assignatis de nobis et successoribus nostris et ecclesia Dunelm in perpetuum libere et hereditarie in omnibus libertatibus iuribus et aisiamentis ad predictam villam de Rykehll pertinentibus qualitercumque infra villam et extra in moris planis pascuis pasturis viis semitis stagnis petariis et turbariis reddendo inde annuatim nobis et successoribus nostris quindecim solidos argenti ad quatuor anni terminos in Hovedenschir constitutos pro omnibus aliis servitiis auxiliis tallagiis consuetudinibus scutagiis et quibuscumque aliis exactionibus et iuribus quocumque nomine censeantur Et dictus Willelmus et heredes sui et sui assignati molent bladum suum quod crescit super dictam terram ad molendinum nostrum de Rychale ad vicesimum quartum vas et erunt propinquiores tremulo et facient duas sectas tantum in anno ad curiam nostram de Hoveden unam videlicet ad proximam curiam post festum sancti Michaelis et aliam ad proximam curiam post Pascha Et licebit dicto Willelmo et heredibus suis et suis assignatis seminare totam predictam terram quolibet anno pro voluntate sua et illam terram ubique claudere et fossare et ut suum separale per totum annum habere et tenere In huius rei testimonium hanc cartam eidem Willelmo fieri fecimus et sigillo nostro roboravimus Hiis testibus dominis Rogero de Lascell Guychardo de Charron tunc senescallo Dunelm Henrico filio Conani et Thoma de Metham militibus et magistris Alano de Esingwald Roberto Avenel Iohanne Hok et Nicholao de Appilby clerico Iohanne de Averang Iohanne de Thorp Ricardo de Amcotes Roberto de Osgoteby Gilberto de Thorney et Willelmo de Fennum clericis et aliis