Charter Document - 03320198
| Charter Number: | 03320198 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1274 - 1277 |
| Date type: | Assigned |
| Resource Link(s): |
Durham Cathedral Archive - Register I (fii40v) Durham Cathedral Archive - Register IV (f60r) |
Charter:
Omnibus Cristi fidelibus ad quos presens scriptum pervenerit Robertus permissione divina episcopus Dunelm salutem in domino sempiternam Noveritis nos dedisse concessisse et hac presenti carta nostra confirmasse Willelmo de Castro Bernardi pro homagio et servitio suo unum toftum in villa de Richale quod continet unam acram terre quod quidem toftum iacet in Westefeld et extendit se versus Osbernker et quinquaginta septem acras terre de vasto nostro in territorio eiusdem ville ad colendum et omnimodum comodum suum inde faciendum quarum quinquaginta septem acrarum decem acre iacent in Southewod inter terram Thome filii Walteri et boscum prebende de Rychale et viginti quatuor acre iacent in loco qui vocatur Littelhurst et una acra in loco qui vocatur Threpwode et viginti due acre iacent in loco qui vocatur Folestwayt habenda et tenenda eidem Willelmo et heredibus suis vel suis assignatis de nobis et successoribus nostris et de ecclesia Dunelm inperpetuum cum omnibus libertatibus iuribus et asyiamentis ad predictam villam de Richale pertinentibus qualitercumque in villa et extra in moris planis pascuis et pasturis viis semitis stagnis pettariis et turbariis reddendo inde annuatim nobis et successoribus nostris dimidiam marcam argenti ad quatuor anni terminos in Hovedenschyr consuetos pro omnimodis aliis servitiis auxiliis tallagiis consuetudinibus scutagiis et quibuscumque aliis exactionibus et iuribus quocumque nomine censeantur Et dictus Willelmus et heredes sui et sui assignati molent bladum suum quod crescit super dictam terram ad molendinum nostrum de Rychale ad vicesimum quartum vas et erunt propinquiores tremulo et facient duas sectas tantum in anno ad curiam nostram de Hoveden unam videlicet ad proximam curiam post festum sancti Michaelis et aliam ad proximam curiam post Pascha Et licebit Willelmo et heredibus et assignatis suis seminare totam terram predictam quolibet anno pro voluntate sua et illam terram ubique claudere et fossare et ut suum separale per totum annum habere In huius rei testimonium hanc cartam eidem Willelmo fieri fecimus et sigillo nostro roboravimus Hiis testibus dominis Petro de Malo Lacu Rogero de Lascell Gwyschardo de Charron tunc senescallo Dunelm Alexandro de Kyrketon tunc vicecomite Ebor Henrico filio Conani et Thoma de Meltham militibus magistris Alano de Esingwald Roberto Avenel et Roberto de Driffeld clericis Iohanne de Averang Willelmo de Middelton Ricardo de Amecotis Roberto de Osegothy et Gylberto de Thorneye et Willelmo de Fennum clericis et multis aliis