Charter Document - 03320196
| Charter Number: | 03320196 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, Episcopal |
| Resource Link(s): |
Durham Cathedral Archive - Register I (fii41v) |
Charter:
Omnibus Cristi fidelibus presens scriptum visuris vel audituris Robertus permissione divina episcopus Dunelm salutem in domino sempiternam Noverit universitas vestra nos dedisse concessisse et hac presenti carta nostra confirmasse Hugoni de Bereford dicto Le Porter de Hoveden totum illud messuagium quod Camper Nol quondam tenuit in villa de Hoveden quod iacet inter toftum Iohannis aurifabri et toftum quod quondam fuit Alicie de Cimiterio iuxta forum de Hoveden et tres acras terre ad le Grenhill in territorio de Hoveden quas Stephanus capellanus de Hoveden quondam tenuit habenda et tenenda dicto Hugoni et heredibus suis vel suis assignatis de nobis et successoribus nostris libere quiete bene et in pace cum omnibus commoditatibus libertatibus et aysiamentis ad dictum mesuagium et terram predictam pertinentibus tam infra villam de Hoveden quam extra reddendo inde annuatim nobis et successoribus nostris decem solidos sterlingorum ad quatuor anni terminos in Hovedenschyre constitutos pro omni alio et servitio consuetudine exactione seculari et demanda In cuius rei testimonium presentem cartam sigilli nostri inpressione fecimus communiri Dat apud Hoveden idus Decembris pontificatus nostri anno quinto Hiis testibus dominis Guichardo de Charron tunc senescallo Dunelm Thoma de Herington Thoma de Huch et Thoma de Metham militibus et magistris Alano de Esingwald Iohanne Hok et Roberto Avenel Henrico de Middelton tunc ballivo de Hoveden Gilberto de Thorneye et Willelmo Fennum clericis et aliis