Charter Document - 03320185
| Charter Number: | 03320185 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Discharge |
| Date: | 1261 - 1273 |
| Date type: | Assigned |
| Resource Link(s): |
Durham Cathedral Archive - Register I (fii1v) |
Charter:
Robertus miseratione divina episcopus Dunelm omnibus Cristi fidelibus presens scriptum visuris vel audituris salutem in domino Noveritis quod cum exigeremus aliquando a Willelmo abbate et conventu de Thornetona sectam ad curiam nostram de Hoveden de tenemento quod tenent in Foxflet inspectis eorum instrumentis que quidem testantur quod dicti abbas et conventus totum predictum tenementum cum pertinentiis tenent de nobis et successoribus nostris et ecclesia nostra Dunelm per annuum redditum quatuor marcarum pro omni servitio imperpetuum liquide perpendimus ipsos ad dictam sectam faciendam non teneri Nos igitur illam nostram exactionem intuitu dei et iustitie revocantes et penitus adnichilantes pro nobis et successoribus nostris et ecclesia nostra prefata omni iure et occasioni dictam sectam exigendam ab eisdem renuntiantes imperpetuum concessimus eisdem abbati et conventui et ecclesie sue de Thornetona quod de secta predicte curie de Hoveden omnino sint immunes et quieti in perpetuum ita quod ad sectam illam nec etiam ad breve domini regis vel ad prisonem iudiciandum seu ad afforciamentum curie non teneantur et si aliquis suorum aliqua occasione vel casu curie predicte aliquando interfuit hoc nullo modo possit in consuetudinem tracti nec secte ascribi nec eis nec scriptis suis seu libertatibus in hac parte cedere in preiudicium In cuius rei testimonium presens scriptum sigilli nostri appositione roboravimus Hiis testibus domino Ricardo Chaunceler domino Thoma de Huck magistro Rogero de Seyton magistro Alexandro de Stanelay Thoma de Metham Willelmo de Yukeflet Iohanne filio Ade de eadem Roberto Martel Waltero de Cotingham Ricardo de la Wudhill Iohanne de Sutton et aliis