Charter Document - 03320168
| Charter Number: | 03320168 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1266 |
| Date type: | Internal, A.D., Calendar |
| Resource Link(s): |
|
Charter:
Omnibus presentes litteras visuris vel audituris Robertus miseratione divina ecclesie Dunelm minister humilis salutem et sinceram in domino caritatem De omnipotentis dei misericordia beate et gloriose virginis Marie omniumque sanctorum dei specialiter confidentes omnibus nostris parochianis et aliis quorum diocesani hanc nostram indulgentiam ratam habuerint confessis vere penitentibus et contritis qui pia devotione ad maiorem Lincoln ecclesiam vel alium locum accedent in futurum ad audiendum verbum domini per canonicum eiusdem ecclesie seu per alium quemcumque de ipsius ecclesi gremio proponendum vel pro anima venerabilis patris pie memorie domini Henrici quondam Lincoln episcopi et animabus omnium fidelium defunctorum oracionem dominicam cum salutatione beate virginis ter pia mente dixerint seu aliquam elemosinam fecerint manualem xl dies de iniuncta penitentia misericorditer relaxamus In cuius rei testimonium nostrum sigillum presentibus est appensum Dat apud Stanfordham xiiii kalendas Novembris anno gracie MCCLX sexto