Charter Document - 03320163

Omnibus Cristi fidelibus [] R dei gratia Dunelm episcopus salutem in domino sempiternam Noverit universitas vestra quod cum magister Robertus de Sancta Agatha [] et alii executores testimonii bone memorie W quondam Dunelm episcopi domino Thome de Huke tenerentur in c libras sterlingorum bonorum legalium et integrorum in quibus idem defunctus dicto Thome ex causa mutui tenebatur dum vixerit unde idem episcopus predecessor noster de L marcis tantummodo satisfecit dum vixit ac nos Dunelm episcopus eisdem executoribus in c marcis ex causa emptionis bonorum dicti defuncti nobis traditorum fuissemus obligati valentibus dictis executoribus et nobis dicto domino Thome in dicto c marcis nos debitorum delegantibus consciente domino Thome ad instantiam et preces nostras delegationi predicto promittimus solempni stipulatione interveniente et tenemur solvere eidem domino Thome vel suo certo procuratori seu attornato ad manerium suum de Huke ad festum sancti Cuthberti in autumpno in mense Septembris anno gratie MCCLX primo pecuniam supradictam scilicet c marcas sine aliqua difficultate et dillationi ulteriori ad quam quidem pecuniam termino et loco statuto predicto Thome vel suo certo attornato solvendam obligamus nos et omnia bona nostra mobilia et inmobilia districtioni et potestati cuiuscumque iudicis quem predictus Thomas ad hoc eligere voluerit ut liceat sibi modis omnibus quibus melius expedire viderit nos ad dictam solutionem faciendam compellere quam memorate pecunie quantitatem profitemur in nostram et ecclesie nostre utilitatem conversam fuisse Et si predictus Thomas occasione solutionis termino statuto non facte vel recordate dampna incurrerit aut expensas fecerit in iudicio vel extra ea dampna et expensas sine aliquo contradictione eidem refundemus et restaurabimus renuntiantes specialiter et expresse exceptioni non numerate atque non tradite nobis pecunie et omni iuris remedio tam canonici quam civilis Et ad maiorem huius rei securitatem hos fideiussores constituimus unumquemque in solidum tanquam principalem debitorem sub obligatione et renuntiatione premissis videlicet dominos Ricardum le Chaunceler senescallum nostrum Iohannem de Kayvill Thomam de Metham Willelmum de Byrland Willelmum Traylweng de Ynefleth et Thomam filium Rogeri de Kaltholm qui omnino sicut et se obligaverunt ac manuceperunt pro nobis predictam pecuniam predicto Thome vel suo certo attornato solvere ad terminum et locum predictum anno supradicto si nos quod absit de dicta solutione defecerimus Et sciendum est quod dictus Thomas restituit nobis instrumentum predecessoris nostri super predictis c libris confectum In cuius rei testimonium sigillum nostrum una cum sigillis fideiussorum nostrorum prescriptorum presenti scripto est appositum Hiis testibus dominis Thoma Abclin Willelmo Ward magistro Rogero de Herteburn Rogero de Scarheburg Rogero de Auclend Rogero Bernard Iohanne de Ynfleth ballivo de Hoveden Iohanne filio Ade de eadem et aliis Act apud Rychall v non Martis et pontificatus nostri anno primo