Charter Document - 03320157
| Charter Number: | 03320157 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1268 |
| Date type: | Internal, A.D. |
| Resource Link(s): |
|
Charter:
Domino suo reverendo serenissimo principi domino H dei gratia regi Anglie domino Hybernie et duci Aquitanie R eiusdem miseratione Dunelm ecclesie minister humilis salutem et debitum cum omnia reverentia famulatum Dominationi vestre notum facimus quod Alanus de Esingwald Petrus Ruffus Radulfus frater ipsius Henricus de Lasceles Radulfus de Alnewik faber Iohannes de eadem vinetarius Thomas de K et Robertus Corth propter ipsorum manifestam contumaciam et offensam auctoritate ordinaria meruerunt excommunicationis sententia innodari in qua per quadraginta dies et amplius perseverantes contumaciter adhuc incorrigibiles existunt Quo circa vestram deprecamus devote ac humiliter excellentiam quatinus predictos excommunicatos ad satisfaciendum deo et ecclesie secundum regni vestri consuetudinem regia potestate dignemini cohercere Dat Aukland intrante mense Ianuarii anno domini MCCLX septimo Valeat dominatio vestra per tempora longiora