Charter Document - 03320154
| Charter Number: | 03320154 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo domino suo domino H dei gratia regi Anglie illustri R permissione divina ecclesie Dunelm minister humilis salutem in eo per quem reges regnant et regna subsistunt Cum magister Alanus de Esingwald auctoritate ordinaria propter varias suas offensas maioris excommunicationis sententia innodatus in illa per quadraginta dies et amplius mansit et adhuc permanet incorrectus claves ecclesie dampnabiliter contempnendo vestram excellentiam humiliter exoramus quatinus iubere velitis ut dictus magister Alanus per vestrum Ebor vicecomitem capiatur et in carcere teneatur quousque super hiis pro quibus excommunicari meruit satisfecerit competenter Dat apud Rikehal xvii kal Novembris anno domini MCCLX quinto et pontificatus nostri anno quinto Valeat excellentia vestra semper in domino