Charter Document - 03320153
| Charter Number: | 03320153 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo domino suo domino Henrico dei gratia Anglie illustri Robertus permissione divina ecclesie Dunelmensis minister humilis salutem in eo per quem reges regnant et regna subsistunt Quoniam Beatricia de Whytefeld nostre dioecesis auctoritate ordinaria propter varias suas offensas minoris excommunicationis sententia innodata in illa per quadraginta dies et amplius mansit et adhuc permanet incorrecta claves ecclesie dampnabiliter contempnendo vestram excellenciam humiliter exoramus quatinus iubere velitis ut dicta Beatricia per vestrum Norhumbr vicecomitem capiatur et in carcere teneatur quousque super hiis pro quibus excommunicari meruit satisfecerit competenter Datum apud Middilham vi idus Augusti anno domini MCCLX quinto et pontificatus nostri anno quinto