Charter Document - 03320149
| Charter Number: | 03320149 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 - 1262 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum visuris vel audituris Robertus dei gratia Dunelm episcopus salutem in domino sempiternam Noveritis nos dedisse concessisse et hac presenti carta nostra confirmasse dilecto et fideli clerico nostro magistro Rogero de Hertburn pro fideli servitio suo nobis et ecclesie nostre Dunelm exhibito totum wastum in mora de Esington quod Iohannes Haldan habuit ex dono bone memorie Walteri Dunelm episcopi predecessoris nostri et quod nobis dictus Iohannes de se et heredibus suis quietum clamavit pro quadam summa pecunie quam dictus magister Rogerus dedit eidem Iohanni pre manibus in suo maximo negotio una cum toto lacu de Bespol et cum omni alio incremento prout per eundem magistrum Rogerum fossatis includitur ita quod dictus magister Rogerus et heredes sui vel assignati sui possint dictum wastum excolere et omnibus modis appruyare quibus viderint sibi melius expedire et infra dictum wastum molendinum levare ubi dictus magister Rogerus et heredes et assingnati eiusdem et homines sui in dicto wasto manentes possint blada sua et alia que molenda sunt molere sine contradictione alicuius tenendum et habendum eidem magistro Rogero et heredibus suis vel assingnatis suis de nobis et successoribus nostris imperpetuum libere quiete integre pacifice et solute ab omni seculari servitio exactione et demanda auxiliis talliagiis scutagiis sectis curiarum molendinorum turnatorum vicecomitatorum et omnibus aliis sectis quocumque modo censeantur cum omnibus pertinentiis suis libertatibus communitatibus ville de Esington et omnibus aisiamentis in viis in semitis moris mariscis turbariis marleris quareris exitibus et introitibus herbagiis et omnibus aliis proficiis que aliquo modo dicto wasto poterunt contingere vel evenire reddendis inde annuatim nobis et successoribus nostris ad scaccarium Dunelm unam marcam argenti tantum ad quatuor anni terminos in episcopatu Dunelm constitutos Concessimus etiam eidem magistro Rogero et heredibus suis vel suis assingnatis pro nobis et successoribus nostris quod non ponantur in aliqua assisa summonicione balliva vel aliqua testacione per nos vel successores nostros ad ballivos nostros In cuius rei testimonium presens scriptum cum consensu capituli nostri Dunelm sigilli nostri appositione roboravimus Hiis testibus magistris Willelmo de Merw Rogero de Seyton Roberto de Coquina dominis Ricardo le Chanceler tunc senescallo nostro Marmeduco filio Galfridi Thoma de Herington Gilberto de Laton Ricardo Harepin Rogero de Applingden Ada de Fulethorp militibus Iohanne Gilet Roberto de Bruminghill tunc constabulario Dunelm Alexandro de Bidik tunc vicecomite Roberto de Eswell Galfrido de Egglesclive Radulpho de Corneford Thoma de Beufont Waltero de Ludeworth et aliis