Charter Document - 03320148
| Charter Number: | 03320148 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 - 1262 |
| Date type: | Assigned |
| Resource Link(s): |
Durham Cathedral Archive - Register I (fii25v) |
Charter:
Omnibus Cristi fidelibus ad quos presens scriptum pervenerit Robertus dei gratia Dunelm episcopus salutem in domino sempiternam Noverit universitas vestra nos pro nobis et successoribus nostris dedisse concessisse et hac presenti carta nostra confirmasse dilecto clerico nostro magistro Rogero de Herteburn pro fideli obsequio suo nobis et ecclesie nostre ab eodem prestito quandam partem terre in mora nostra in campo de Esington quam Iohannes Haldan olim tenuit de dono bone memorie Walteri quondam Dunelm episcopi per divisas subscriptas incipiendo apud Coves et ultra rivulum cum toto stagno de Besepol extendendo et versus occidentem versus Houstrete et per Houstrete usque Houhope versus aquilonem et sic per Houhope versus orientem usque Peschopeburn et inde usque Petekerford et per Syketun sic de Petekerford versus austrum usque Coveburn et inde extendendo usque ad Coves habendam et tenendam de nobis et successoribus nostris eidem magistro Rogero et heredibus suis vel assignatis suis in feodo et hereditate libere quiete pacifice et integre cum omnibus libertatibus utilitatibus et aysiamentis que ad predictam terram spectant vel spectare poterunt in pratis et planis viis et semitis in turbariis communis et pasturis in introitibus et exitibus tam infra villam quam extra in perpetuum reddendo inde annuatim nobis et successoribus nostris ad scaccarium nostrum Dunelm unam marcam sterlingorum ad quatuor anni terminos in episcopatu nostro constitutos pro omni seculari servitio secta curie et secta molendinorum forinseco servitio communi auxilio et omnibus aliis servitiis consuetudinibus exactionibus et demandis Quare volumus et firmiter precipimus pro nobis et successoribus nostris quod predictus magister Rogerus et heredes sui vel sui assignati predictam terram cum omnibus libertatibus et aliis pertinentiis suis prout melius et plenius supradictum est sine ullo retinemento in feodo et hereditate libere quiete et integre possideant et teneant in perpetuum In cuius rei testimonium presenti scripto sigillum nostrum fecimus apponi Hiis testibus magistris Willelmo de Merwe Rogero de Seyton Roberto de Coquina dominis Ricardo Chanceler tunc senescallo nostro Marmeduco filio Galfridi Thoma de Heringtun Gilberto de Latun Ricardo Harpin Rogero de Applingden Ada de Fulthorp militibus Iohanne Gilet Roberto de Bruninghill tunc constabulario Dunelm Alexandro de Bydik tunc vicecomite Galfrido de Eggesclyve Radulpho de Corneford Thoma de Beufon Waltero de Ludeworth Iohanne de Bradeley et aliis