Charter Document - 03320147
| Charter Number: | 03320147 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1261 |
| Date type: | Internal, Calendar, Episcopal |
| Resource Link(s): |
Cambridge University Library - MS Add 3020 (f169r) Durham Cathedral Archive - Register I (fii2r) |
Charter:
Robertus dei gratia Dunelmensis episcopus dilecto clerico et officiali nostro magistro Rogero de Herteburn salutem gratiam et benedictionem In negotio seu causa quod vel que vertitur seu verti speratur inter religiosos viros abbatem et conventum sancte Marie Eborac ex parte una et Willelmum vicarium ecclesie de Gayneford ex altera super vicaria dicte ecclesie de Gayneford nostre dioecesis taxanda seu moderanda et ad ordinandum de eadem seu statuendum iudicio vel concordia si de partium voluntate processerit vices nostras committimus firmum et stabile habituri quicquid circa prefatam vicariam taxando moderando ordinando statuendo seu etiam confirmando duxerit faciendam In cuius rei testimonium presens scriptum sigilli nostri appositione fecimus communiri Datum apud Rychale xvii kalendas Iulii pontificatus nostri anno primo