Charter Document - 03320138
| Charter Number: | 03320138 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1261 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus presentes litteras visuris vel audituris Robertus dei gratia Dunelmensis episcopus salutem in domino sempiternam Cum vir nobilis Symon de Monteforti comes Lycestr et senescallus Anglie patronus ecclesie de Ellesden ratione custodie Gilberti de Umframvill discretum virum magistrum Adam de Belestede clericum nobis ad titulum ecclesie prefate de Ellesden duxerit presentandum idemque presentatus et dominus Petrus tunc predicte ecclesie rector se super tota eadem ecclesia ordinationi nostre pure simpliciter et absolute summiserunt nihil sibi iuris in ipsa ecclesia retinendis nos habitis super negotio ipso deliberatione et tractatu diligenter et utilitate ecclesie prefate pensata tandem presentationem et submissionem huius approbantes in nomine patrie et filii et spiritus sancti super dicta ecclesia velud predictorum patroni et Petri presentatione et submissione vacante sub forma subscripta duximus ordinandum Videlicet quod dictus magister Adam nomine pensionis et rectorie sex libras sterlingorum de dicta ecclesia per manus prefati Petri recipiat annuatim residuo eiusdem usibus sepe dicte ecclesie de Ellesden rectoris nuper per hanc nostram ordinationem suis temporibus deputata ita quod alterutro dictorum Petri et Adam cedente vel decedente superstiti accrescat portio deficiantis Liceatque superstiti portionem que vacaverit propria auctoritate intrare et sibi licite possidere nullius assensu requisito In ordinationis testimonium sigillum nostrum presentibus duximus apponendum Datum apud Wlsingham xvi kalendas Octobris anno domini MCCLX primo