Charter Document - 03320133

Omnibus presens scriptum visuris vel audituris Robertus dei gratia Dunelmensis episcopus salutem in domino Sciatis nos concessisse et licentiam dedisse dilectis in Cristo filiis Hugoni priori et conventui Dunelmensis boscum suum de Beaurepayre quem bone memorie Nicholaus predecessor noster et nos sibi et conventui Dunelmensis donavimus cum toto campo de Cruketona quantum in nobis est et Beaurepayre necnon et incremento supercilii more iuxta Yuesmos et iuxta portam exteriorem de Beaurepayre quod sibi nunc donamus ad includendam eo quod palacium alibi fieri non potest competentius Volentes et concedentes quod dicti prior et conventus dictum boscum includant feras ponant et habeant in eodem inperpetuum libere pacifice et quiete ita quod nullus alius dictum boscum intret ad fugandum vel aliquid capiendum ibidem seu claustrum factam vel faciendam infringendum sub pena decem librarum Volumus etiam quod si terram de tenura prioris de Finchal que est inter dictum boscum et viam que ducit ad Aldenrigge adquirat eandem ut dictum est includat et commodum suum inde faciat In cuius rei testimonium presenti scripto sigillum nostrum fecimus apponi Hiis testibus dominis Roberto de Neville Marmeduco filio Galfridi Ricardo de Twenge Rogero de Lumley Waltero de Ludeworth militibus et aliis Datum apud Dunelmo in festo nativitatis dominice anno eiusdem MCCLX septimo pontificatus nostri anno septimo