Charter Document - 03320121
| Charter Number: | 03320121 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus presens scriptum visuris vel audituris Robertus dei gratia Dunelmensis episcopus salutem in domino Noverit universitas vestra nos dedisse concessisse et presenti carta nostra confirmasse dilecto et fideli clerico nostro Petro de Brandon pro homagio fidelitate et servitio suo quinquaginta et quinque acras terre de vasto nostro iacentes inter Scotfoldburne et Blakedeneburne in longitudine et in latitudine inter terram quam dominus Walterus predecessor noster eidem Petro per cartam suam dedit et Scotfoldelawe Dedimus etiam eidem Petro quinque acras terre de vasto nostro iacentes in occidentali parte de Scotfoldburn et tres acras terre de vasto nostro iacentes in orientali parte de Blakedeneburne et octo acras terre de vasto nostro iacentes inter pratum et vastum quondam Adam de Bradeley ex dono domini Walteri quondam episcopi Dunelmensis predecessoris nostri sicut plenius continetur in carta quam habuit de dicto Waltero predecessore nostro habendas et tenendas terras supradictas cum suis pertinentiis quas habet de dono nostro et etiam terras quas habuit de dono Walteri predecessoris nostri de nobis et successoribus nostris sibi et heredibus suis bene et in pace libere et quiete inperpetuum reddendo inde nobis et successoribus nostris dictus Petrus et heredes sui pro predictis terris quas habet de dono nostro undecim solidos novem denarios et obolem argenti ad quatuor anni terminos in episcopatu constitutos pro omnibus servitiis consuetudinibus auxiliis et de mandis et omnimodis sectis tam curiarum quam hallemotorum et molendinorum et faciendo nobis et successoribus nostris pro terra quam habet de dono dicti Walteri predecessoris nostri redditum et servitium debitum et consuetum sicut continetur in carta quam habet de dicto Waltero predecessore nostro Et ut hec nostra donatio concessio et carte huius confirmatio rata et stabilis permaneat inperpetuum presenti scripto sigillum nostrum apponi fecimus Hiis testibus dominis Galfrido Russell tunc senescallo Dunelmensis Marmeduco filio Galfridi Thoma de Herington Thoma de Wyrewurch Adam de Fulthorp militibus Alexandro de Bidike tunc vicecomite Dunelmensis Iohanne de Holmesete et aliis Datum apud Hoveden die Martis proxima post nativitatem gloriose virginis anno pontificatus nostri nono