Charter Document - 03320119
| Charter Number: | 03320119 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, Episcopal, Feast |
| Resource Link(s): |
Durham Cathedral Archive - Register I (fii43r) Durham Cathedral Archive - Register I (fii27r) |
Charter:
Universis Cristi fidelibus ad quos presens scriptum pervenerit Robertus dei gratia Dunelm episcopus salutem in domino Noverit universitas vestra nos dedisse concessisse et presenti carta nostra confirmasse dilecto et fideli nostro Alexandro de Bydyk pro homagio et servitio suo quatuor viginti et quatuor acras terre de vasto nostro iacentes in mora de Clyvedon extra villam que vocatur Symundeseth et sic per vetus fossatum quod est divisa inter nos et dictum priorem Dunelm versus orientem et sic per metas et divisas sicut mete et divise se extendunt versus austrum et versus occidentem habendas et tenendas dicto Alexandro et heredibus suis de nobis et successoribus nostris bene et in pace libere et quiete inperpetuum reddendo inde annuatim nobis et successoribus nostris quadraginta solidos argenti ad quatuor anni terminos in episcopatu constitutos pro omni servitio consuetudine exactione auxilio et demanda ita tamen quod tempore warenti homines de vis neto illo habeant communam suam in eodem warento sine contradictione dicti Alexandri vel heredum suorum Et ut hec nostra donatio concessio et carte huius confirmatio rata et stabilis permaneat in perpetuum presenti scripto sigillum nostrum apponi fecimus Hiis testibus dominis Marmeduco filio Galfridi Marmeduco Basset Thoma de Herington Thoma de Wytheword Ricardo de Yeland militibus Willelmo de Wessington Iohanne de Useworth Gilberto Gategang Ricardo de Grendal et aliis Datum apud Hoveden die mercurii proxima post nativitatem beate Marie virginis pontificatus nostri anno nono