Charter Document - 03320117
| Charter Number: | 03320117 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 |
| Date type: | Internal, Calendar, Episcopal |
| Resource Link(s): |
Durham Cathedral Archive - Register I (fii39v) |
Charter:
Omnibus Cristi fidelibus ad quos presens scriptum pervenerit Robertus miseratione divina Dunelmensis episcopus salutem in domino sempiternam Noveritis nos dedisse concessisse et presenti carta nostra confirmasse dilecto valeto nostro Andree Nuncio unum toftum cum crofto et viginti tres acras terre arabilis et quatuor acras prati cum pertinentiis suis in Crayck quod quidem toftum cum crofto terram et pratum Petrus filius Gilberti quondam tenuit in eadem villa habenda et tenenda eidem Andree et heredibus suis de corpore suo procreatis de nobis et successoribus nostris libere quiete bene et in pace inperpetuum reddendo inde annuatim nobis et successoribus nostris unam libram cimini sicut predictus Petrus reddere consuevit pro omni alio servitio consuetudine exactione et demanda Et ut hec nostra donatio concessio et presentis carte confirmatio rata est et stabilis presenti scripto nostrum fecimus apponi sigillum Hiis testibus dominis Galfrido Russ tunc senescallo Dunelmensis Rogero Bernard Ricardo de Yeland Rogero de Applingd Iohanne de Farenacr militibus Laurencio de Lan et Thome de Bonevill Waltero Lovecock et aliis Datum Hoved tertio decimo die Martii pontificatus nostri anno tertio decimo